Էրդողանը զանգահարել է Պուտինին` Ասադի հետ հանդիպման մանրամասներն իմանալու

Քաղաքական13:13, 21 Հոկտեմբեր 2015

Էրդողանը զանգահարել է Պուտինին` Ասադի հետ հանդիպման մանրամասներն իմանալու

Սիրիայի նախագահ Բաշար ալ-Ասադի Մոսկվա կատարած այցից հետո Թուրքիայի նախագահ Ռեջեփ Թայիփ Էրդողանը զանգահարել է Վլադիմիր Պուտինին: Ըստ թուրքական «Sondakika.com» լրատվական կայքի` Էրդողանը զանգահարել է Պուտինին, վերջինիս` Ասադի հետ ունեցած հանդիպման մանրամասներն իմանալու համար:

Էրդողանը Պուտինին փոխանցել է սիրիական ճգնաժամի վերաբերյալ իր մտահոգությունները՝ մասնավորապես նշելով, որ Հալեպի և շրջակայքի վրա իրականացվող հարձակումները կարող են փախստականների նոր ալիքի պատճառ դառնալ։

Ըստ աղբյուրի` կողմերը համաձայնության են եկել գալիք ամիս անցկացվելիք G-20 խորհրդաժողովի ընթացքում հանդիպելու:

Հիշեցնենք, որ Ռուսաստանի Դաշնության և Սիրիայի նախագահներ Վլադիմիր Պուտինն ու Բաշար Ասադը հոկտեմբերի 20-ի երեկոյան Մոսկվայում երկարատև բանակցություններ են վարել. այս մասին տեղեկացրել է ՌԴ նախագահի մամուլի խոսնակ Դմիտրի Պեսկովը:

Վերջինս տեղեկացրել է, որ սիրիացի առաջնորդի և ՌԴ նախագահի բանակցությունները տևել են բավական երկար՝ նեղ և ընդլայնված կազմով. Պուտինին հանգամանալից ներկայացվել է «Սիրիայում ներկա իրադրությունը, հեռանկարային պլանները»:

Աղբյուր` Ermenihaber.am

Այս ենթաբաժնի վերջին նորությունները

11:46, 14 մայ

Ֆիդանն աշխատանքային ճաշ է ունեցել ՆԱՏՕ-ի գլխավոր քարտուղարի հետ

Հանդիպումը կազմակերպվել է նախքան մայիսի 14-ից 15-ն Անկարայում կայանալիք ՆԱՏՕ անդամ երկրների արտգործնախարարների ոչ պաշտոնական հավաքը:

11:09, 14 մայ

Էրդողանը հեռախոսազրույց է ունեցել Իտալիայի վարչապետի հետ

Օրակարգում են եղել ռուս-ուկրաինական պատերազմին վերաբերող հարցերը:

10:29, 14 մայ

ԱՄՆ պետքարտուղարը կմասնակցի Ստամբուլում ռուս-ուկրաինական հնարավոր բանակցություններին

Թուրքական մեդիայում տարածվող լուրերի համաձայն՝ մայիսի 15-ին Ստամբուլում կայանալիք հնարավոր ռուս-ուկրաինական բանակցություններին մասնակցելու նպատակով այնտեղ կլինեն նաև ԱՄՆ պետպաշտոնյաներ: