Ստամբուլի օդանավակայանում հայտնաբերվել է BBC-ի նախկին թղթակցի դին

Հասարակական13:01, 19 Հոկտեմբեր 2015

Ստամբուլի օդանավակայանում հայտնաբերվել է BBC-ի նախկին թղթակցի դին

Ստամբուլի Աթաթուրքի անվան օդանավակայանում անհայտ պայմաններում մահացած բրիտանուհու դի է հայտնաբերվել: Թուրքական «Habertürk» լրատվակայքի համաձայն՝ Անգլիայի արտգործնախարարությունը հաստատել է այդ լուրը: Մահացածը 50-ամյա Ժակլին Սաթոնն է, ով նախկինում եղել է BBC-ի թղթակիցը:

Ըստ BBC-ի՝ Սաթոնը Պատերազմի և խաղաղության լուսաբանման ինստիտուտի (IWPR) իրաքյան բաժնի տնօրենն էր և ճամփորդում էր Հյուսիսային Իրաքում: Լրագրողի մահվան հանգամանքները դեռևս հայտնի չեն:

BBC-ի թղթակից Բեն Էնդոն նշել է, որ Սաթոնը շաբաթ օրը Լոնդոնից Ստամբուլ է ժամանել, իսկ այնուհետև պետք է Իրաք մեկներ: Բայց իրենց հայտնել է, որ ուշացել է Իրաքի ինքնաթիռից և գումար չունի, որպեսզի նոր տոմս գնի: Մի քանի ժամ անց օդանավակայանի զուգարանում նրան մահացած են գտել:

Հայտնի է, որ Սաթոնը դոկտորական թեզ է պաշտպանել Ավստրալիայի ազգային համալսարանում՝ արաբական և իսլամական հետազոտությունների բաժնում: Թեզը նվիրված է եղել 2003-2013թթ. Իրաքում և Աֆղանստանում պրոֆեսիոնալ կին լրագրողներին միջազգային մակարդակով ցուցաբերվող աջակցության մեծացման խնդրին:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։