Հոդված09:44, 17 Հոկտեմբեր 2015
Պոլսահայ լրագրող Հայկո Բաղդատի «Տո ես ձեր...» հոդվածի թիրախում թուրքական իշխանություններն են
«Պոլսահայ հայտնի լրագրող, թուրքական ընդդիմադիր «Taraf» թերթի սյունակագիր Հայկո Բաղդատը, ում դեմ Անկարայի քաղաքապետ Մելիք Գյոքչեքը դատ էր բացել իրեն «հայ» անվանելու համար, «Տո ես ձեր…» վերնագրով հոդվածում թուրքական իշխանություններին խիստ քննադատության է ենթարկում իրենց ընդդիմախոսներին հալածելու համար:
«Մարդը դուրս է գալիս և դիմացինին «հայ» է անվանում՝ կարծելով, թե վիրավորում է վերջինին: Այս կուսակցության անդամները հայ են, այն կուսակցության հանրահավաքին գնացողները ծպտյալ հայեր են: Այսպես ասելով՝ միլիոնավոր մարդկանց առաջ շոու է սարքում: Այդ մարդը ցանկանում է, որ ապրենք այնպիսի միջավայրում, որտեղ «հայ» բառի պատասխանը ավելի սաստիկ լինի քան մայր կամ քույր հայհոյելու պատասխանը»,- գրում է Բաղդատը՝ ակնարկելով Անկարայի քաղաքապետ Մելիք Գյոքչեքին:
Շարունակելով միտքը.
«Վեր ես կենում ու պատասխանում ես՝ «հայը դու ես, ստոր մարդ: Ինչպե՞ս ես համարձակվում այդպես խոսել: Իսկ հաջորդ օրը լուրերում կարդում ես՝ Հայկո Բաղդատը 2.5 տարվա ազատազրկման է դատապարտվում: Մարդուն ստոր է ասել, հայ է ասել:
Այս իշխանություններն իրենց բոլոր ընդդիմախոսներին ահաբեկիչ են հայտարարում: Ուղիղ եթերներից ու թերթերթի շապիկներից երկիրը լցնում են այնպիսի լուրերով, իբրև թե FETÖ-ն (Ֆեթոլահական (Գյուլեն) ահաբեկչական կազմակերպություն), PKK-ն (Քուրդիստանի բանվորական կուսակցություն), DHKP-C-ն (Ժողովրդի փրկության հեղափոխական կուսակցություն-ճակատ), Doğan Medya-ն, հայկական սփյուռքը, հրեական լոբբին, այդ բոլորը միասին թուրքական պետության դեմ են դուրս եկել: Քրդերի «պահապան» Մեհմեթ Մեթիների ու հայերի «պահապան» Մարգար Եսայանի նման 15-20 զավզակ էլ ամեն Աստծո օր անուններս են սևացնում:
Ասում ես. «Ահաբեկիչը դու ես: Նրանք, ում բեռնատարներով զենք էիր ուղարկում, հիմա աչքներիդ առաջ մեր երիտասարդներին են սպանում:»
Ասում են. «Թուրքիայի հանրապետությանը ահաբեկիչ անվանեց, խփեք այդ անպարկեշտին»:
Դատարանները լցնում են ընդդիմադիր լրագրողներով:
Դու էլ ասում ես. «Ես չեմ հավատում այս արդարադատության համակարգին»:
Ասում են. «Սա մեղավոր է ճանաչվում ժողովրդին ատելության ու թշնամության դրդելու համար»:
Ահա այս ամեն ինչի պայմաններում երկրի նախագահը վեր է կենում ու ասում. «ԺԴԿ-ն (Ժողովուրդների դեմոկրատական կուսակցություն) բոլոր խելապակասներին պատգամավորի թեկնածու է առաջադրել: Ահաբեկչության այդ աջակիցներին իրենց տեղը ցույց ենք տալու»:
Ասում ես. «Ինչպե՞ս ես խոսում: Դու պատվովդ ես երդվել, որ անկողմնակալ ես լինելու»:
Վայնասուն են բարձրացնում. «Մեր նախագահին բան ասեցի՞ր: Գրոհեք սրա թերթը, տունը»:
Նմանատիպ նախադասություններով պատասխան տամ.
Իրական խելապակասը Դուք եք:
Ահաբեկիչն էլ, դավաճանն էլ, գողն էլ, «հայն» էլ, անհավատն էլ, մարդասպանն էլ, անջատողականն էլ, անդաստիարակն էլ Դուք եք:
Twiter-ում գրություններիս տակ «Ձայնդ կտրիր» գրող դատավորին ի պատասխան էլ ասում եմ. «Ինքդ լռիր»:
Գուցե փոքր-ինչ հանգստացա:
Համեցեք»:
Այս ենթաբաժնի վերջին նորությունները
Մայիսի վերջին մի խումբ ակտիվիստներ Ստամբուլում բողոքի ակցիա են իրականացրել Ադրբեջանի պետական նավթային ընկերության՝ SOCAR-ի գրասենյակի առջև։
2025 թ. երկրորդ կեսը և 2026 թ. ցույց կտան, թե որքանով կկարողանա Անկարան բավարարել իր բարդ և երբեմն հակասական արտաքին քաղաքականական նպատակները:
Թուրքիայի աջակացությունը Պակիստանին բոյկոտի մեծ ալիք է բարձրացրել և հակաթուրքական տրամադրություններ առաջացրել Հնդկաստանում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայտարարության մեջ հնչել է տարածաշրջանային պատերազմի վտանգի մասին զգուշացում։
Թուրքիան չի հանդուրժելու քրդական YPG/SDG կառույցների՝ Սիրիայի ապագա վարչակարգի հետ ինտեգրման հնարավոր չարաշահումները։
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |