Օբաման և Էրդողանը հեռախոսազրույց են ունեցել

Քաղաքական07:33, 16 Հոկտեմբեր 2015

Օբաման և Էրդողանը հեռախոսազրույց են ունեցել

Հոկտեմբերի 15-ին ԱՄՆ նախագահ Բարաք Օբաման և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել:

Թուրքական «Sabah» թերթի կայքի համաձայն՝ Թուրքիայի նախագահականից հաղորդագրություն է է տարածվել այն մասին, որ Օբաման ու Էրդողանը զրույցի ժամանակ քննարկել են «Իսլամական պետություն» (ԻՊ-İŞİD) ահաբեկչական կազմակերպության դեմ պայքարում իրենց համագործակցությանը, Սիրիայում ռուսական ուժերի ծավալած ռազմական գործողություններին վերաբերող խնդիրներ: Նշվում է, որ Օբաման իր ցավակցություններն է հայտնել հոկտեմբերի 10-ին Անկարայում տեղի ունեցած ողբերգության կապակցությամբ և ԱՄՆ–ի անունից համերաշխություն է հայտնել՝ Թուրքիայի անվտանգության ապահովման խնդրում:

Օբաման և Էրդողանը համաձայնության են եկել այն հարցում, որ Սիրիայում քաղաքական անցումն ապահովելու համար անհրաժեշտ է ուժեղացնել ԻՊ-ի դեմ ռազմական ճնշումները և հզորացնել չափավոր ընդդիմությունը: Կողմերն ընդգծել են նաև, որ հնարավորինս արագ պետք է կասեցնել «Քուրդիստանի բանվորական կուսակցության» (ՔԲԿ-PKK) հարձակումները: Ընդգծվել է նաև, որ Կիպրոսի վերաբերյալ բանակցություններում դրական առաջընթաց կա և կողմերը պատրաստակամություն են հայտնել աջակցելու խնդրի լուծմանն ուղղված ջանքերին:

Աղբյուր` Ermenihaber.am

Այս ենթաբաժնի վերջին նորությունները

11:46, 14 մայ

Ֆիդանն աշխատանքային ճաշ է ունեցել ՆԱՏՕ-ի գլխավոր քարտուղարի հետ

Հանդիպումը կազմակերպվել է նախքան մայիսի 14-ից 15-ն Անկարայում կայանալիք ՆԱՏՕ անդամ երկրների արտգործնախարարների ոչ պաշտոնական հավաքը:

11:09, 14 մայ

Էրդողանը հեռախոսազրույց է ունեցել Իտալիայի վարչապետի հետ

Օրակարգում են եղել ռուս-ուկրաինական պատերազմին վերաբերող հարցերը:

10:29, 14 մայ

ԱՄՆ պետքարտուղարը կմասնակցի Ստամբուլում ռուս-ուկրաինական հնարավոր բանակցություններին

Թուրքական մեդիայում տարածվող լուրերի համաձայն՝ մայիսի 15-ին Ստամբուլում կայանալիք հնարավոր ռուս-ուկրաինական բանակցություններին մասնակցելու նպատակով այնտեղ կլինեն նաև ԱՄՆ պետպաշտոնյաներ: