Տարածաշրջան11:55, 16 Հոկտեմբեր 2015
1 թուրք ոստիկան է զոհվել Շըրնաքում տեղի ունեցած բախման ժամանակ
Թուրքիայի Շըրնաք նահանգում ոստիկանական ուժերի և ՔԲԿ-ի (Քուրդիստանի բանվորական կուսակցություն-PKK) երիտասարդական թև հանդիսացող «Հայրենասիրական հեղափոխական երիտասարդական շարժման» (YDG-H) անդամների միջև տեղի ունեցած բախման հետևանքով 1 թուրք ոստիկան է զոհվել, ևս մեկը` վիրավորվել:
Բախումը տեղի է ունեցել այն ժամանակ, երբ ոստիկանական ստորաբաժանումները սկսել են հողով լցնել YDG-H-ականների կողմից Շըրնաք քաղաքի թաղամասերից մեկում փորված խրամատները: Չնայած ոստիկանության ձեռնարկած ուժեղացված անվտանգության միջոցառումներին, այդ թվում` դեպքի վայրի հարակից շենքերի կտուրներին դիրքավորած դիպուկահարներին` YDG-H-ականները կարողացել են բախման մեջ մտնել ոստիկանների հետ` մարդկային կորուստ պատճառելով վերջիններին:
Բախումները շարունակվել են տևական ժամանակ և ուղեկցվել զինյալների կողմից տեղադրված ինքնաշեն ռումբերի պայթյուններով:
Քրդական «Ժողովուրդների դեմոկրատական կուսակցության» (ԺԴԿ-HDP) Շըրնաքի 3 պատգամավորներ բախումները դադարեցնելու նպատակով ցանկացել են մոտենալ դեպքի վայրին, սակայն ոստիկանությունը չի թույլատրել:
Թուրքական «Hurriyet» թերթի կայքի հաղորդմամբ` քաղաքում լայնամասշտաբ գործողություն սկսելու նպատակով մեծ քանակությամբ ոստիկանական ուժեր են ուղարկվել:
Այս ենթաբաժնի վերջին նորությունները
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
Ահմեդ ալ-Շարան խոսել է Իսրայելի կողմից Դամասկոսի վրա իրականացրած օդային հարձակումներից։
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |