Տարածաշրջան08:39, 14 Հոկտեմբեր 2015
Դավութօղլուն պնդել է, որ կհարվածեն Սիրիայի քրդական կուսակցությանը, եթե վերջինիս զենք մատակարարվի
Թուրքիայի վարչապետ Ահմեթ Դավութօղլուն կոշտ հայտարարություն է արել կապված ԱՄՆ-ի կողմից Սիրիայում քրդական «Ժողովրդավարկան միություն կուսակցությանը» (քրդերեն՝ Partiya Yekitiya Demokrat-PYD) զենք մատակարարելու խնդրին:
Թուրքական «ihlas» լրատվական գործակալությունը հայտնում է, որ այս հայտարարությունը վարչապետ Դավութօղլուն արել է թուրքական առաջատար թերթերի ներկայացուցիչների հետ հանդիպման ժամանակ: Դավութօղլուն, նշելով, որ PYD-ի և «Քուրդիստանի բանվորական կուսակցության» (ՔԲԿ-PKK) միջև տարբերություն չկա, ասել է. «Գուցե 5-6 ամիս առաջ PYD-ի և PKK-ի մեջ տարբերություն դնելը ինչ-որ իմաստ կարող էր ունենալ, բայց հիմա դա անիմաստ է»:
Վարչապետը նաև ընդգծել է, որ եթե PYD-ն Թուրքիայի դեմ որևէ գործողություն իրականացնի, ապա նրանց հետ կվարվեն այնպես, ինչպես «Իսլամական պետության» և PKK-ի հետ:
Խոսելով PYD-ին զենք մատակարարելու հարցի շուրջ՝ Դավութօղլուն ասել է, որ այն ժամանակ, երբ դեռ PKK-ն Թուրքիայում հարձակումներ չէր իրականացնում, դաշնակից երկրները PYD-ին ԻՊ-ի դեմ օգտագործելու ցանկությունը կարող էին կյանքի կոչել: Սակայն, ինչպես նշում է Դավութօղլուն, դաշնակից երկրները PYD-ին օգնություն ցուցաբերեցին անգամ այն ժամանակ, երբ, PKK-ն հարձակվեց Թուրքիայի վրա:
«Այն միջոցները, որոնք ձեռնարկել էինք Հյուսիսային Իրաքում, կանենք նաև Սիրիայում, եթե PKK-ին և PYD-ին զենք-զինամթերք մատակարարվի՝ անկախ այն բանից, թե ովքեր կլինեն մատակարարողները»,- հավելել է Դավութօղլուն:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |