Տարածաշրջան07:16, 14 Հոկտեմբեր 2015
Հոկտեմբերի 10-ի ահաբեկչության պատճառով Անկարայի ոստիկանապետը հեռացվել է պաշտոնից
Օրերս Թուրքիայի մայրաքաղաք Անկարայում տեղի ունեցած պայթյունից հետո պաշտոնից հեռացվել է Անկարայի ոստիկանապետ Քադրի Քարթալը, ինչպես նաև հետախուզության ու անվտանգության վարչությունների պետերը:
Ըստ թուրքական «mynet.com» լրատվական կայքի` այդ մասին հայտարարություն է տարածել ներքին գործերի նախարարությունը:
Հայտարարության մեջ նշված է, որ անվտանգության պատասխանատուները պաշտոնից հեռացվել են հոկտեմբերի 10-ի ահաբեկչության գործով ամբողջական ու թափանցիկ քննություն ապահովվելու նպատակով:
Նշենք, որ Անկարայում տեղի ունեցած պայթյունից հետո Թուրքիայի ընդդիմության առաջնորդ Քեմալ Քըլըչդարօղլուն հանդիպել էր վարչապետ Ահմեթ Դավութօղլուի հետ և պահանջել ներքին գործերի ու արդարադատության նախարարների հրաժարականը:
Հիշեցնենք, որ հոկտեմբերի 10-ին Անկարայի երկաթուղային կայարանի մոտ արհմիությունների կողմից կազմակերպված «Աշխատանք, խաղաղություն, ժողովրդավարություն» խորագրով խաղաղ ցույցի ժամանակ 2 խոշոր պայթյուն էր որոտացել, ինչի հետևանքով, ըստ պաշտոնական տվյալների, զոհվել էր 97 մարդ, վիրավորվել 246-ը: Այդ կապակցությամբ վարչապետը երկրում հայտարարել էր եռօրյա սուգ:
Այս ենթաբաժնի վերջին նորությունները
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
Ահմեդ ալ-Շարան խոսել է Իսրայելի կողմից Դամասկոսի վրա իրականացրած օդային հարձակումներից։
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |