Քուրդ բարձրաստիճան հրամանատարի հայտարարությունը զինադադարի մասին

Տարածաշրջան12:43, 12 Հոկտեմբեր 2015

Քուրդ բարձրաստիճան հրամանատարի հայտարարությունը զինադադարի մասին

PKK-ի զինված թևը համարվող «Քուրդիստանի համայնքների միության» (KCK) գործադիր խորհրդի անդամ Մուրադ Քարայըլանը հայտարարել է, որ համաձայն հոկտեմբերի 10-ին իրենց հայտարարած հրադադարի` «Քուրդիստանի բանվորական կուսակցությունը» (ՔԲԿ-PKK) կդադարեցնի զինված գործողությունները Թուրքիայի տարածքում:

Թուրքական «Milliyet» թերթի կայքը, հղում անելով քրդական «Fırat» լրատվական գործակալությանը, գրում է, որ Քարայըլանն ասել է, որ իրենց հայտարարած զինադադարի ընթացքում որևէ գործողություն չի կատարվի, եթե իշխանությունները ժողովրդի դեմ հարձակումներ չիրականացնեն: Վերջինս նշել է, որ ճանապարհներին ստուգումներ իրականացնող PKK-ականները ևս հետ կքաշվեն բազաներ:

Ըստ աղբյուրի` Քարայըլանը զինյալներին խիստ ցուցում է տվել պետության` զինադադարին հավատարիմ մնալու դեպքում որևէ զինված գործողություն չիրականացվել:

Քուրդ հրամանատարը հայտարարել է նաև, որ իշխող «Արդարություն և զարգացում կուսակցությունը» (ԱԶԿ-AKP), համագործակցում է «Իսլամական պետություն» (ԻՊ) ահաբեկչական կազմակերպության հետ:

«Այսպես, թե այնպես ԱԶԿ-ն գործի մեջ է»,- նկատել է Քարայըլանը:

Հիշեցնենք, որ «Քուրդիստանի համայնքների միության» հոկտեմբերի 10-ին տարածած հայտարարության մեջ նշել էր, որ ժողովրդի և զինյալների դեմ իշխանությունների կողմից հարձակումներ չիրականացվելու պարագայում իրենք կդադարեցնեն զինված գործողությունները և չեն խոչընդոտի նոյեմբերի 1-ին Թուրքիայում տեղի ունենալիք խորհրդարանական ընտրությունների ազատ և արդար անցկացմանը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։