Թուրքական լրատվամիջոց. «Թուրքը կարող է Նոբելյան մրցանակ ստանալ նաև առանց ասելու՝ Հայոց ցեղասպանություն»

09:10, 09 Հոկտեմբեր 2015

Թուրքական լրատվամիջոց. «Թուրքը կարող է Նոբելյան մրցանակ ստանալ նաև առանց ասելու՝ Հայոց ցեղասպանություն»

Ամերիկաբնակ թուրք գիտնական, ԱՄՆ-ի Հյուիսային Կարոլինայի համալսարանի բիոքիմիայի և բիոֆիզիկայի ամբիոնի դասախոս Ազիզ Սանջարը դարձել է նոբելյան մրցանակակիր: Մրցանակին նա արժանացել է ԴՆԹ վերականգնման գործում բջիջների կիրառած մեխանիզմների ուսումնասիրության համար:

Թեմային անդրադարձած թուրքական «Superhaber TV» -ի ինտերնետային կայքը այդ լուրը հրապարակել է. «Պարզվում է՝ թուրքը կարող է Նոբելյան մրցանակ ստանալ նաև առանց Հայոց ցեղասպանություն ասելու» վերնագրի ներքո:

Նշենք, որ Նոբելյան մրցանակի արժանացած առաջին և մինչև 2015թ.՝ Թուքիայի միակ քաղաքացին արձակագիր Օրհան Փամուքն էր, ով մեծ ճանաչում ունի թե Թուրքիայում, թե երկրի սահմաններից դուրս: Հայտնի է, որ Փամուքը չի կիսում Հայոց Ցեղասպանության վերաբերյալ Թուրքիայի պաշտոնական վերաբերմունքը: Նա այն սակավաթիվ թուրք մտավորականներից է, ով ճանաչել ու դատապարտել է Հայոց Ցեղասպանությունը:

Թուրքական «Doğan» լրատվական գործակալության թղթակցի հետ զրույցում Ազիզ Սանջարը խոսել է Թուրքիայում և Թուրքիայի սահմաններից դուրս գիտական աշխատանքով զբաղվելու առանձնահատկությունների ու տարբերությունների մասին: Ամերիկաբնակ գիտնականը այս առթիվ մասնավորպես ասել է. «Երկրից դուրս ավելի մեծ հաջողությունների են հասնում: Ես խոսել եմ հայրենիքում ապրող մի քանի ընկերների հետ: Իսկապես անձնազոհ, իրենց գիտությանը նվիրած մարդիկ են: Բայց այդքան իրարանցումների մեջ աշխատել չեն կարողանում, նրանց ուշադրությունը շեղվում է: Ես էլ լինեմ, իմ ուշադրությունն էլ կշեղվի»:

Աղբյուր` Ermenihaber.am

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։