ԻՊ-ը 1 թուրք զինվորի դիմաց պահանջում է ազատ արձակել ԻՊ-ի անդամ 200 զինյալի

11:24, 09 Հոկտեմբեր 2015

ԻՊ-ը 1 թուրք զինվորի դիմաց պահանջում է ազատ արձակել ԻՊ-ի անդամ 200 զինյալի

«Իսլամական պետություն» (ԻՊ) ահաբեկչական կազմակերպությունը պատանդ վերցրած թուրք զինվորի ազատ արձակման դիմաց պահանջել է, որպեսզի Թուրքիայում անազատության մեջ գտնվող ԻՊ-ի անդամ 200 զինյալներն ազատ արձակվեն;

Ըստ թուրքական «milliyet» թերթի կայքի՝ 21-ամյա թուրք զինվորի ազատ արձակման հարցի շուրջ զրույց է տեղի է ունեցել Թուրքիայի Ազգային հետախուզական կազմակերպության (MIT-ՄԻԹ) մի բարձրաստիճան պաշտոնյայի և ահաբեկչական խմբավորման ներկայացուցչի միջև:

Կողմերի միջև զրույցը տեղի է ունեցել WhatsApp-ի միջոցով, քանի որ Սիրիայի Ռաքքա քաղաքում այժմ չկա հեռախոսակապ: ԻՊ-ի ներկայացուցիչը նշել է, որ այժմ թուրք զիվորն առողջական խնդիրներ չունի: Նրան, անվտանգության նկատառումներից ելնելով, տեղափոխել են այլ վայր ռուսական օդուժի ավիահարվածների պատճառով:

Թուրքական աղբյուրը նշում է, որ ՄԻԹ-ի աշխատակիցը ԻՊ-ի ներկայացրած պահանջի պատասխանը կտա, խորհրդակցություններից հետո:

Հիշեցնենք, որ թուրք զինվորը պատանդ էր վերցվել սեպտմբերի 1-ին, երբ ԻՊ-ի ահաբեկիչները հարձակվել էին Թուրքիայի սահմանամերձ Քիլիսի նահանգի պարեկային կետերից մեկի վրա:

Թուրքիայի ԶՈՒ գլխավոր շտաբը հաստատել է ԻՊ-ի կողմից թուրք զինվորին պարեկային կետից առևանգելու փաստը:

Աղբյուր` Ermenihaber.am

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։