Թուրք ոստիկանները մեքենայից կապել են սպանված քուրդ երիտասարդին ու քարշ տվել փողոցով

Տարածաշրջան09:43, 05 Հոկտեմբեր 2015

Թուրք ոստիկանները մեքենայից կապել են սպանված քուրդ երիտասարդին ու քարշ տվել փողոցով

Թուրքիայի Շըրնաք նահանգում ոստիկանության հատուկ ջոկատայինները «Քուրդիստանի բանվորական կուսակցության» (ՔԲԿ-PKK) զինյալների դեմ իրականացրած օպերացիա ժամանակ սպանել են մի քուրդ երիտասարդի ու նրա դիակը, ոստիկանական մեքենայից կապած, քարշ տվել փողոցով:

Տեսարանը պատկերող լուսանկարը «Twitter» սոցիալական ցանցում տեղադրել է քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Սալահեթթին Դեմիրթաշը հետևյալ գրությամբ. «Այս լուսանկարին ուշադիր նայեք: Նախօրեին է արվել Շըրնաքում: Թող ոչ ոք չմոռանա, քանի որ մենք չենք մոռանալու»:

Լուսանկարի առնչությամբ հայտարարություն է տարածել Թուրքիայի ներքին գործերի նախարարությունը, որում նշվում է, որ անհապաղ հետաքննություն է սկսվել այդ գործով:

Թեմայի վերաբերյալ նմանատիպ բովանդակությամբ հայտարարությամբ իր «Facebook»-յան էջից հանդես է եկել նաև Թուրքիայի վարչապետ Ահմեթ Դավութօղլուն:

Աղբյուր` Ermenihaber.am