Աղքատ է Թուրքիայի բնակչության 15 տոկոսը

Հասարակական08:28, 03 Հոկտեմբեր 2015

Աղքատ է Թուրքիայի բնակչության 15 տոկոսը

Թուրքիայի վիճակագրական ծառայությունը հրապարակել է 2014թ. վերաբերյալ Թուրքիայի քաղաքացիների եկամուտների և կենսապայմանների վերաբերյալ անցկացված հետազոտության արդյունքները:

«Bugün» պարբերականը տեղեկացնում է, որ ըստ այդ հաշվետվության, Թուրքիայի բնակչության 15 տոկոսն աղքատ է: Ընդ որում, ամենաշատ աղքատներն ապրում են Ստամբուլում ՝ 1.5 մլն մարդ: Աղքատ բնակչության թվի առումով Ստամբուլին հաջորդում է մայրաքաղաք Անկարան (591.000 աղքատ), ապա՝ Իզմիրը (576.00 աղքատ):

Թուրքիայի ամենաաղքատ նահանգներն են Էրզրումը,, Էրզինջանը, Բայբուրթը: Այստեղ աղքատ է բնակչության 15.3 տոկոսը: Այս նահանգներին հաջորդում է Իզմիրը՝ 14.4 տոկոս աղքատության մակարդակով: Դիարբեքիրում և Շանլըուրֆայում աղքատ է բնակչության 16.1 տոկոսը: Մարդինում, Բաթմանում, Շըրնաքում, Սիիրթում աղքատության մակարդակը կազմում է 9.3 տոկոս, իսկ Մուշում, Բիթլիսում, Հաքքարիում՝ 8.4 տոկոս:

Աղքատության տոկոսն ամենացածրն է Զոնգուլդաք, Կարաբյուք, Բարթին նահանգներում: Քասթամոնուում, Չանքըրըյում, Սինոպում աղքատ բնակչությունը 66.000 է, իսկ Քըրըքքալեում, Աքսարայում, Նիղդեյում, Նևշեհիրում և Քըրշեհիրում՝ 134.000:

Եկամտի տեսանկյունից ամենաչքավոր վիճակում է Դիարբեքիր և Շանլըուրֆա նահանգների բնակչությունը: Այստեղ ամսական ամենաբարձր աշխատավարձը կազմում է 222 թուրքական լիրա (մոտ. 70 ԱՄՆ դոլար):

Ամենաբարձր ամսական աշխատավարձ ստանում են Անկարայում: Այստեղ միջին ամսական աշխատավարձը կազմում է 625 թուրքական լիրա (մոտ 208 ԱՄՆ դոլար): Ստամբուլում միջին աշխատավարձը կազմում է 609 լիրա (203 ԱՄՆ դոլար): Ընդհանուր առմամբ, ողջ Թուրքիայի համար աշխատավարձի միջինացված ցուցանիշը հավարսար է 463 թուրքական լիրայի (մոտ 155 ԱՄՆ դոլար):

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։