Քաղաքական07:30, 03 Հոկտեմբեր 2015
Էրդողանն անհանգստացած է Սիրիայում ռուսական օդուժի հարվածներից
Թուրքիայի նախագահ Ռեջեփ Թայիփ Էրդողանն արաբական «Al Jazeera»-լրատվականի հետ զրույցում խոսել է Սիրիայում Ռուսաստանի օդային հարվածների մասին:
Թուրքական «rotahaber» լրատվակայքը, հղում անելով «Al Jazeera»-ին, նշում է, որ Էրդողանն ասել է, որ չնայած Ռուսաստանը Թուրքիային տեղյակ էր պահում «Իսլամական պետություն» (ԻՊ) ահաբեկչական կազմակերպության հենակետերի ուղղությամբ հասցվելիք օդային հարվածների մասին, այնումենայնիվ տեղեկություններ կան, որ Ռուսաստանը հարվածներ է հասցնում նաև Սիրիայի չափավոր ընդդիմությանը, որը պայքարում է Սիրիայի նախագահ Բաշար Ասադի վարչակազմի դեմ:
Չմանրամասնելով, թե այդ տեղեկատվությունը որտեղից է՝ Էրդողանը ցանկություն է հայտնել կրկին հանդիպել Ռուսաստանի նախագահ Վլադիմիր Պուտինի հետ, որպեսզի միասին քննարկեն այդ ու մի շարք այլ հարցեր:
«Ուզում եմ նրան փոխանցել այս հարցի շուրջ ունեցած իմ մտահոգությունը: Ցանկություն եմ հայտնելու, որպեսզի իրականացված քայլերը կրկին վերանայման ենթարկվեն»,-եզրափակել է Էրդողանը
Հիշեցնենք, որ Թուրքիայի վարչապետ Ահմեդ Դավութօղլուն էլ էր քննադատել ռուսական օդուժի գործողությունները Սիրիայում՝ ասելով, որ Ռուսաստանն Ասադի իշխանությանը տրամադրում է ռազմական օգնություն:
Այս ենթաբաժնի վերջին նորությունները
Դաշինքի գլխավոր քարտուղարն այս առիթով Թուրքիային ուղղված շնորհակալական հայտարարություն է հրապարակել:
Օրակարգում են եղել տարածաշրջանային զարգացումներն ու երկկողմ նշանակության հարցերը։
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |