Դիարբեքիրի Սիլվան շրջանում պարետային ժամ է հայտարարվել

Տարածաշրջան10:13, 02 Հոկտեմբեր 2015

Դիարբեքիրի Սիլվան շրջանում պարետային ժամ է հայտարարվել

Թուրքիայի Դիարբեքիր նահանգի Սիլվան շրջանում հայտարարվել է պարետային ժամ, օրեր առաջ տեղի ունեցած թուրք-քրդական բախման հետևանքով:

Ըստ «haberturk» լրատվական ծառայության՝ այն բանից հետո, երբ շրջանում հայտարարվել է պարետային ժամ, գիշերվա ժամերին շրջան են մուտք գործել մեծ քանակությամբ ոստիկանական ուժեր:

Թուրքական կայքը նշում է, որ երկու օր առաջ էլ շրջանի երկու փողոցներում նույնպես պարետային ժամ էր հայտարարվել, քանի որ «Քուրդիստանի բանվորական կուսակցության» (PKK-ՔԲԿ) զինյալների և թուրքական ուժերի բախման հետևանքով սպանվել էր երկու թուրք զինվոր:

Հաղորդվում է նաև, որ թուրքական ոստիկանականության հատուկ նշանակության ուժերը գործողություններ է իրականացրել շրջանի Մեսջիթ, Ֆերիդուն, Քոնաք և Թեքել թաղամասերում, որի ժամանակ PKK-ի գրոհայինները երկարափող զենքերից կրակ են բացել ոստիկանների վրա: Բախումները դեռևս շարունակվում են: Թուրքական աղբյուրը տեղեկություններ չի հաղորդում վիրավորվածների և զոհերի մասին:

Աղբյուր` Ermenihaber.am