Օրհան Փամուք «Կառավարությունը չպետք է կարծի, թե պատերազմը կավելացնի իր քվեները»

Հասարակական09:41, 17 Սեպտեմբեր 2015

Օրհան Փամուք «Կառավարությունը չպետք է կարծի, թե պատերազմը կավելացնի իր քվեները»

Աշխարհահռչակ թուրք արձակագիր, Նոբելյան մրցանակակիր Օրհան Փամուքը թուրքական ընդդիմադիր «Cumhuriyet» թերթին տված հարցազրույցի ժամանակ մտահոգություն է հայտնել երկրում ստեղծված ռազմական իրավիճակի վերաբերյալ: Նա նշել է, որ եթե Թուրքիայում բախումներն ու ռազմական իրավիճակը շարունակվեն, ապա բոլորի համար շատ ցավալի հետևանքներ կլինեն:

Լրագրողը հարցրել է, թե ինչ է մտածում գրողն այն տարածված կարծիքի մասին, որ երկրում ստեղծված պատերազմական իրավիճակը կապված է AKP (ԱԶԿ-իշխող «Արդարություն և զարգացում կուսակցություն»-խմբ.) կուսակցության՝ ընտրություններում պարտվելու հետ: Ընտրություններ, որոնք նաև պետք է Էրդողանի առաջ ճանապարհ բացեին դեպի նախագահական համակարգ:

Ի պատասխան՝ Փամուքը նշել է. «Ես հուսով եմ, որ մինչ ընտրությունները խաղաղություն կհաստատվի: Մենք չպետք է խաղաղության համար սպասենք մինչև ընտրություններ: Մինչ այդ դեռ երկու ամիս կա: Եվս երկու ամիս այսպես չպետք է շարունակվի: HDP–ն (ԺԴԿ-քրդամետ ընդդիմադիր «Ժողովուրդների դեմոկրատական կուսակցություն»-խմբ.) հանդես է գալիս խաղաղության պահանջով: Կառավարությունն էլ պետք է խաղաղություն ցանկանա: Կառավարությունը չպետք է կարծի, թե այս պատերազմը կավելացնի իր քվեները»:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։