Sabah. «Ռուսաստանը ակնկալում է վերսկսել «Թուրքական հոսք» նախագծի բանակցությունները»

Տնտեսական11:31, 17 Սեպտեմբեր 2015

Sabah. «Ռուսաստանը ակնկալում է վերսկսել «Թուրքական հոսք» նախագծի բանակցությունները»

Ռուսաստանի արտգործնախարարությունը (ԱԳՆ) «Թուրքական հոսք» նախագծի վերաբերյալ հայտարարություն է տարածել: Թուրքական «Sabah» պարբերականի համաձայն՝ Թուրքիայի ԱԳՆ նախարար Ֆերիդուն Սինիրլիօղլուի՝ Ռուսաստան այցի նախօրեին տարածված հայտարարության մեջ մասնավորապես նշվում է, որ Սև ծովի և Թուրքիայի տարածքում կառուցվելիք «Թուրքական հոսք» գազատարի նախագիծը երկու երկրների հարաբերություններում առաջնային նշանակություն ունեցող թեմաներից է:

Ըստ աղբյուրի՝ հայտարարությունում նաև ասվում է, որ ակնկալվում է նախագծի առաջին գազատար ուղու կառուցման և գործարկման վերաբերյալ համաձայնությունների ժամանակին, համաձայնեցված և ճշտորեն իրականացումը:

«Մենք ակնկալում ենք, որ նախագծի շուրջ բանակցությունները հնարավորինս շուտ կվերսկսվեն: Երկու երկրների միջև կնքվելիք պայմանագրի նախագիծը մայիսից ի վեր գտնվում է Թուրքիայում՝ ուսումնասիրության համար»:

Ըստ աղբյուրի՝ նախատեսվում է նաև երկու երկրների միջև առևտրական կապերի ընդլայնում, Թուրքիայից Ռուսաստան ներկրվող սննդի ծավալների մեծացում:

Աղբյուր` Ermenihaber.am

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։