Թուրքական «Doğan» մեդիա խումբը մեղադրվում է ահաբեկչություն քարոզելու մեջ

Հասարակական12:48, 15 Սեպտեմբեր 2015

Թուրքական «Doğan» մեդիա խումբը մեղադրվում է ահաբեկչություն քարոզելու մեջ

Թուրքական «Doğan Media Grubu» («Դողան» մեդիա խումբ) կազմակերպությանը պատկանող լրատվամիջոցներում տեղ գտած հրապարակումների պատճառով Doğan-ի պատասխանատուների նկատմամբ հետաքննություն է սկսվել՝ ահաբեկչության քարոզչության մեղադրանքով:

Թուրքիայի պետական «Anadolu» լրատվական գործակալության տեղեկատվության համաձայն՝ Բաքրքոյի հանրապետական դատախազությունը «Güneş» թերթի՝ 2015թ սեպտեմբերի 10-ի համարում հրատարակված «Ահա քեզ փաստաթուղթ» վերնագրով հոդվածը որպես հիմք ընդունելով ՝ «Doğan» մեդիա խմբի նկատմամբ ինքնուրույն հետաքննություն է սկսել:

Հայտնի է դարձել, որ հետաքննության առիթ են հանդիսացել «Doğan»-ին պատկանող որոշ հեռուստատեսությունների և թերթերի կողմից «2015թ օգոստոսի 29-ին Սիիրթում զոհված զինվորների նկարների՝ առանց գրաքննության հրապարակումը», «Թունջելիում սպանված PKK-ի քուրդ զինյալների լուսանկարների գրաքննությունը» և այլն:

Նշենք, որ Dogan մեդիա խմբի կազմում գործում են այնպիսի ազդեցիկ լրատվամիջոցներ, ինչպիսիք են CNN Turk հեռուստաընկերությունը, «Hurriyet» և «Radikal» օրաթերթերը:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։