Թուրք լրագրողը կազմել է Թուրքիայի և իսլամի թշնամիների ցուցակը

Քաղաքական12:18, 11 Սեպտեմբեր 2015

Թուրք լրագրողը կազմել է Թուրքիայի և իսլամի թշնամիների ցուցակը

Թուրքական իշխանամետ «Yeni Akit» պարբերականի հոդվածագիր Աբդուրրահման Դիլիփաքը սեպտեմբերի 11-ի իր հոդվածում անդրադարձել է Թուրքիայի և ընդհանրապես մահմեդական աշխարհի «թշնամիների» խնդրին՝ ներկայացնելով իբրև թե հակաիսլամական համագործակցության մեջ գտնվող երկրների և միջազգային կառույցների սեփական ցուցակը: Ըստ թուրք լրագրողի՝ իր կողմից «չարիքի ճակատ» անվանված այդ համագործակցության մեջ ներառված են Իրանը, Իսրայելը, Սիրիան, Եգիպտոսը, Գերմանիան, ԱՄՆ-ը, Անգլիան, Ֆրանսիան, Վատիկանը, Հունաստանը, Կիպրոսի Հանրապետությունը:

««Չարիքի ճակատին» միայն Էրդողանը կամ AKP (իշխող «Արդարություն և զարգացում» կուսակցություն- խմբ.) չէ, որ հետաքրքրում է, ավելին՝ նրա խնդիրը առանձին վերցրած միայն Թուրքիան էլ չէ, այլ ողջ մահմեդական աշխարհը», - գրում է նա:

Ըստ Դիլիփաքի՝ նշված բոլոր երկրները, ինչպես նաև ՝ ՆԱՏՕ-ի և Եվրամիության մի շարք անդամներ, կանգնած են « Իսլամական Պետության» (ԻՊ- İŞİD) և նրա երիտասարդական թևը համարվող «Հեղափոխական ժողովրդական ազատագրական կուսակցություն-ճակատի» (ՀԺԱԿ –Ճ /DHKP-C) թիկունքում: Ավելին, թուրք լրագրողը մեղադրում է նաև «հայ ահաբեկչական խմբերին», մասոնական կազմակերպություններին, «զուգահեռ կառույցին» , այսպես կոչված «սպիտակ թուրքերին» ՝ «համընդհանուր պատերազմ» կազմակերպելու և իսլամի դեմ «խաչակրաց արշավանք» սկսելու մեջ:

Իշխանամետ թերթի թղթակիցը առաջ է քաշում այն կարծիքը, թե Անկարան պետք է այս հարցը բարձրացնի Միջազգային քրեական դատարանում, Մարդու իրավունքների եվրոպական դատարանում, ՄԱԿ-ի մարդու իրավունքների խորհրդում և մի շարք այլ միջազգային իրավական հարթակներում:

Աղբյուր` Ermenihaber.am

Այս ենթաբաժնի վերջին նորությունները

13:39, 04 հուլ

Թուրքիայի ԱԳՆ. «Թուրքմենները պատշաճ կերպով պիտի ներկայացված լինեն Իրաքի քաղաքականության մեջ»

Թուրքիայի արտաքին գործերի նախարարության մամուլի խոսնակն անդրադարձել է Իրաքի Քիրքուկ քաղաքում տեղի ունեցող զարգացումներին։

11:41, 04 հուլ

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:

10:48, 04 հուլ

Էրդողանը մեկնել է Ստեփանակերտ

Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։