Թուրքիայի Ջիզրե շրջանում համաճարակներ են սկսվում

Տարածաշրջան11:40, 10 Սեպտեմբեր 2015

Թուրքիայի Ջիզրե շրջանում համաճարակներ են սկսվում

Թուրքիայի Շըրնակ նահանգի Ջիզրե շրջանում լարվածությունը շարունակվում է: Թուրքական ընդդիմադիր «t24.com.tr» լրատվակայքի տեղեկությամբ՝ Ջիզրեյում արդեն 9-րդ խաղաղ բնակիչն է սպանվել: 7 երեխաների մայր 53 –ամյա Մերյեմ Սյունեն սպանվել է պարետային ժամը խախտելու և իր տան դռան առաջ նստելու պատճառով՝ թուրք ոստիկանների կողմից:

Ոստիկանները թույլ չեն տվել վիրավոր կնոջը հիվանդանոց տեղափոխել կամ շտապօգնություն կանչել, ավելի ուշ ներքին արյունահոսությունից մահացած Մերյեմի մարմինը միայն 2 օր հետո՝ սեպտեմբերի 9-ին ընդդիմադիր քրդամետ «Ժողովուրդների դեմոկրատական» կուսակցություն (ԺԴԿ- HDP ) ջանքերով է տեղափոխվել դիահերձարան:

Ջիզրեյի անցուդարձին հետևող միակ թուրքական հասարակական կազմակերպության՝ «Şemikan» միության տնօրեն Բիլալ Աջարը հայտնել է, որ Ջիզրեյում արդեն գլուխ են բարձրացնում համաճարակները, մասնավորապես՝ Նուր թաղամասում:

Հիշեցնենք, որ Ջիզրեյում սեպտեմբերի 4-ից ի վեր պարետային ժամ է հայտարարված, մինչ օրս շուրջ տասը զոհ և բազմաթիվ վիրավորներ կան: Շրջանում չկա ջուր, էլեկտրականություն, ֆիքսված հեռախոսակապ, բնակչությունը սննդի և դեղերի շատ լուրջ խնդիր ունի:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։