Թուրքական օդուժը հարվածել է Հյուսիսային Իրաքում ՔԲԿ-ի հենակետերը

Տարածաշրջան08:26, 08 Սեպտեմբեր 2015

Թուրքական օդուժը հարվածել է Հյուսիսային Իրաքում ՔԲԿ-ի հենակետերը

Թուրքիայի Հաքքարի նահանգի Դաղլըջա շրջանի թուրք-քրդական բախումից հետո թուրքական օդուժը օդային հարվածներ է հասցրել Հյուսիսային Իրաքում գտնվող «Քուրդիստանի բանվորական կուսակցության» (ՔԲԿ-PKK) հենակետերին:

«BBC»-ի թուրքական ծառայությունը, հղում անելով ամերիկյան «Reuters» լրատվական գործակալությանը, նշում է, որ իրականացված գործողությանը մասնակցել են 35 F-16 տիպի ռազմական ինքնաթիռ, ինչպես նաև 18 F-4 տեսակի կործանիչ: Վերջիններս հարվածներ են հասցրել Իրաքի Քանդիլ, Հաքքուրք, Ավաշին, Մեթինա, Բաշյան Գարե և Զափ շրջաններում: Ընդհանուր առմամբ կրակի տակ է պահվել 20 թիրախ:

Ամերիկյան լրատվական ծառայությունը, հիմնվելով թուրքական լրատվականների տրամադրած տեղեկությունների վրա և միևնույն ժամանակ հստակ թիվ չնշելով, հայտնում է, որ գործողության հետևանքով մեծ թվով ՔԲԿ-ականներ են սպանվել:

Նշվում է, որ թուրքական ուժերը թիրախ են դարձրել նաև այն ՔԲԿ-ի զինյալներին, որոնք փորձել են Թուրքիայից անցնել Իրաք:

Աղբյուր` Ermenihaber.am