Գարո Փայլանը հայկական ճամբարի վրա իրականացված հարձակման հարցով դիմել է Թուրքիայի ՆԳՆ

Տարածաշրջան13:47, 08 Սեպտեմբեր 2015

Գարո Փայլանը հայկական ճամբարի վրա իրականացված հարձակման հարցով դիմել է Թուրքիայի ՆԳՆ

Թուրքիայի խորհրդարանի հայ պատգամավոր Գարո Փայլանը գիշերը Թուզլայի հայկական «Քամփ Արմեն» ճամբարի ապամոնտաժման դեմ պայքարողների վրա ազգայնականների հարձակման հարցը բարձրացրել է մեջլիսում: Թուրքական «Demokrathaber» լրատվական կայքը հայտնում է, որ հարձակման հետևանքով երկու հոգի վնասվածքներ են ստացել:

Փայլանը Ներքին գործերի նախարար Սելամի Ալթընոքին գրավոր հարցումներ է ուղարկել՝ պահանջելով պատասխանել հետևյալ հարցերին.

1. Արդյո՞ք 08.09.2015 թվականին «Քամփ Արմենի» վրա հարձակման հետ կապված հետաքննություն սկսվել է: Եթե ոչ, ապա ինչո՞ւ:

2. Վերոնշյալ դեպքից հետո հետագա հնարավոր հարձակումների դեպքում ճամբարի կամավորների կյանքի անվտանգությունը ապահովելու ուղղությամբ արդյո՞ք ՆԳՆ-ն անվտանգության միջոցներ ձեռնարկել է կամ մտածո՞ւմ է այդ ուղղությամբ:

3. 13.08.2015 թվականին «Քամփ Արմենի» վրա հարձակում իրականացրած անձանց նկատմամբ հետաքնություն տարվե՞լ է: Եթե այո, ապա ի՞նչ արդյունքներ են ստացվել: Իսկ եթե չի իրականացվել, ապա ինչո՞ւ:

4. Արդյո՞ք պատահական է, որ ճամբարի կամավորների վրա ակնհայտորեն սադրիչ բնույթ կրող հարձակումը համընկել է դիմադրության 125-րդ օրվա և 1955 թվականի սեպտեմբերի 6-7-ի դեպքերի 60-րդ տարելիցի հետ, թե՞ այն կազմակերպված ծրագրի մի մաս է:

5. «Քամփ Արմենի» վրա մահակներով հարձակված հանցագործների գործողությունները կազմակերպված քաոսային ծրագրի մաս լինելու հավանականության վերաբերյալ հետախուզական ստորաբաժանումները Ձեզ տեղեկություն հաղորդե՞լ են:

6. «Քամփ Արմենի» վրա նախապես ծրագրված հարձակումների դեմ իրավապահ մարմինները ինչո՞ւ մինչև այժմ անվտանգության միջոցներ չեն ձեռնարկել:

Հիշեցնենք, որ երեկ գիշերը 01:30-ին անհայտ անձանց մի խումբ մահակներով հարձակվել է Ստամբուլի Թուզլա շրջանում գտնվող հայկական մանկատան ճամբարում հերթապահող հայ երիտասարդների վրա: Սա «Քամփ Արմենի» վրա իրականացված 2-րդ հարձակումն է, առաջինը եղել էր ճամբարի ապամոնտաժման դեմ պայքարող երիտասարդների հերթապահության 100-րդ օրը:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:

12:22, 11 սեպ

Ըստ Ֆիդանի՝ ռեգիոնալ խնդիրները ռեգիոնալ լուծումներ են պահանջում

Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։

12:00, 11 սեպ

Թուրքիայի Անկարա նահանգում 4.1 մագնիտուդ ուժգնությամբ երկրաշարժ է տեղի ունեցել

Երկրաշարժը տեղի է ունեցել առավոտյան ժամը 8։24-ի սահմաններում:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։