Քաղաքական10:30, 07 Սեպտեմբեր 2015
Իշխանական «Sabah» թերթը մեղադրում է ընդդիմադիր գործիչներին ՔԲԿ-ին թողած` Էրդողանին քննադատելու համար
Թուրքիայի ընդդիմադիր «Ժողովրդահանրապետական» կուսակցության (CHP-ԺՀԿ) նախագահ Քեմալ Քըլըչդարօղլուն և քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահ Սելահաթթին Դեմիրթաշը արձագանքել են Հաքքարի նահանգում տեղի ունեցած բախմանը, որի հետևանքով ըստ որոշ աղբյուրների, զոհվել է 21 թուրք զինվոր: Նրանք երկուսն էլ քննադատել են երկրի նախագահ Ռեջեփ Թայիփ Էրդողանին` «երկիրը արյան ծովի վերածելու համար»:
Այս մասին գրում է իշխանամետ «Sabah» պարբերականը «Ոչ թե «Քուրդիստանի բանվորական կուսակցությանը» (PKK-ՔԲԿ), այլ Էրդողանին քննադատեցին» վերնագրով հրապարակման մեջ:
Քըլըչդարօղլուն «Twitter»-ում թեմայի առնչությամբ մի քանի գրառում էր կատարել. «Դաղլըջայում մեր սրտերը այրվեցին: Ամեն օր նույն ցավը… Թող անիծվեն նրանք, ովքեր ստիպեցին մեզ այս ամենը ապրել, այրունից ու արցունքից սնվողներ»:
ԺՀԿ նախագահը գրել է, որ անգամ այս պայմաններում, երբ ամեն օր զինվորներ են մահանում Էրդողանը խորհրդարանում 400 տեղ զբաղեցնելու հաշվարկներ է անում: «Ինչ 400 պատգամավոր, այ… Հանուն դրա երկիրը արյան լճի վերածեցիր, մայրերին առանց որդի, իսկ որդիներին որբ թողեցին: Դու խղճի նշույլ իսկ չունես»,- գրել է Քըլըչդարօղլուն:
Քրդամետ ԺԴԿ-ի համանախագահ Դեմիրթաշի՝ Դաղլըջայի բախումների վերաբերյալ հայտարարությանն անդրադառնալով՝ իշխանամետ լրատվամիջոցը գրում է, որ Դեմիրթաշը կրկին չկարողացավ քննադատել ՔԲԿ-ին և նախընտրեց մակերեսային արտահայտություններով խուսափել դեպքերի մանրամասներից:
Դեմիրթաշը ցավակցել է զոհվածների ընտանիքներին ապա հավելել. «Ո՛չ սպանելը արդարացում կարող է ունենալ, ո՛չ էլ մեր մարդկանց սպանելու ուղարկելը»:
Այս ենթաբաժնի վերջին նորությունները
Թուրքիայի նախագահը պատմական և օրինակելի է որակել Սիրիայի նկատմամբ պատժամիջոցների վերացման մասին Թրամփի որոշումը:
Թրամփը հայտարարել է, որ վերացվելու են Սիրիայի դեմ կիրառված պատժամիջոցները՝ հավելելով, որ այդ խնդրանքով իրեն դիմել էր Էրդողանը:
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Թուրքիայի արտգործնախարար. «Որոշումից հետո կան գործնական քայլեր, որոնք պետք է իրականացվեն: Մենք ուշադիր հետևելու ենք դրանց»:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |