Թուրքիայում համշենահայերի ձուլման քաղաքականության մասին գիրք է հրատարակվել

Գիտակրթական13:14, 05 Սեպտեմբեր 2015

Թուրքիայում համշենահայերի ձուլման քաղաքականության մասին գիրք է հրատարակվել

Թուրքիայում լույս է տեսել Արդվինում ծնված, ծագումով համշենահայ գրող, գիտաշխատող և ակտիվիստ Հուրիյե Շահինի՝ «Ինչպես է ձուլման քաղաքականությունը ոչնչացնում լեզուները. Հայոց պատմություն և համշենահայեր» աշխատությունը:

Այս գրքով հեղինակը ցանկացել է ցույց տալ, թե ինչպես է ազգերի ձուլման քաղաքականությունն ազդում լեզուների վրա: Շահինը նշել է, որ գրքում անդրադարձ է կատարվել Թուրքիայում տեղի ունեցող ասիմիլիացիոն գործընթացներին առհասարակ, և Համշենի հայերի ձուլման քաղաքականությանը՝ մասնավորապես: Հայկական արմատներ ունենալով՝ Շահինն օգտվել է նաև հայկական պատմագիտական աղբյուրներից:

Հեղինակի կարծիքով ասիմիլիացիան սկիզբ է առնում մայրենի լեզվի ոչնչացմամբ: Այս երևույթի ուսումնասիրմանը գրքում մեծ տեղ է տրվել:

«Ժողովուրդները գոյություն ունեն իրենց մայրենի լեզվի շնորհիվ: Մայրենին ազգի ձևավորմանը զուգահեռ զարգացող ինքնարտահայտման միջոց է: Եթե մայրենի լեզուն ոչնչացվի, ազգն էլ կոչնչացվի: Եթե դուք լեզու չունեք, ուրեմն արդեն ձուլվել եք, փոխակերպվել: Իսկ պետության նպատակը այս դեպքում հենց փոխակերպելն է», - նկատել է տալիս իր գրքում Հուրիյե Շահինը:

Աղբյուր` Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։