Ցեղասպանություն08:02, 04 Սեպտեմբեր 2015
Թուրքիայում քննադատել են ԵՄ հարցերով նախարարի՝ Հայոց ցեղասպանության մասին արած հայտարարությունը
Թուրքիայի քրդամետ «Ժողովուրդների դեմոկրատական կուսակցությունը» (HDP-ԺԴԿ) ներկայացնող Եվրամիության հարցերով նախարար Ալի Հայդար Քոնջայի՝ Հայոց ցեղասպանության մասին հայտարարությունը քննադատել են իշխող «Արդարություն և զարգացում» (AKP-ԱԶԿ) և գլխավոր ընդդիմադիր «Ժողովրդահանրապետական» (CHP-ԺՀԿ) կուսակցությունները: Այս մասին տեղեկացնում է թուրքական "Timetürk" լրատվական կայքը:
Իշխող կուսակցության խորհրդարանական խմբակցության նախագահի պաշտոնակատար Ահմեթ Այդընն ասել է, որ մեկ քաղաքական գործչի «անպատասխանատու հայտարարությունը» հիմք ընդունելով, սխալ է այն որպես պետության պաշտոնական մոտեցում ընդունել:
Այդընն ընդգծել է, որ 1915 թվականի վերաբերյալ Թուրքիայի թեզը, դիրքրոշումը հայտնի է: Ըստ պատգամավորի՝ Թուրքիայի պետությունն իր ավանդույթներն և արտահայտվելու իր սկզբունքներն ունի, իսկ այս հարցում Թուրքիան ունի իր բառապաշարը, որն էլ հիմք պետք է ընդունել:
Նա հիշեցրել է, որ սա ԱԶԿ-ի կառավարությունը չէ, այլ սահմանադրության պահանջով կազմված ժամանակավոր կառավարություն, որի մեջ ընդգրկված քրդամետ կուսակցության ներկայացուցչի խոսքերը պետք է ընդունել որպես «անընդունելի, անպատասխանատու, անձնական մոտեցում»:
Գլխավոր ընդդիմադիր ԺՀԿ-ի խորհրդարանական խմբակցության ղեկավարի պաշտոնակատար Էնգին Ալթայը, ժխտելով Հայոց ցեղասպանության փաստն, ասել է, որ Առաջին համաշխարհային պատերազմի տարիներին ցավալի դեպքեր են տեղի ունեցել: Եմ նախարարի հայտարարությանն անդրադառնալով՝ Ալթայն ասել է. «Եթե իրեն թողնենք, մի մարդու սպանությունն էլ կոտորած կասի»: Նա ասել է, որ նախարարի մակարդակով նման հայտարարություն անելը սխալ է և ծանր դրության մեջ է դնում Թուրքիային:
Հիշեցնենք, որ քրդամետ կուսակցությունը ներկայացնող նախարարը, պատասխանելով «Հայոց ցեղասպանության հարցը ԵՄ-ի օրակարգ բերվելու դեպքում ինքը ինչ դիրքորոշում կորդեգրի» հարցին, ասել էր. «Ակնհայտ է, որ կոտորած եղել է: Դա բոլորն են ընդունում: Հիմնական հարցը դրա բնութագրման մեջ է: Այս հարցն էլ մեր կուսակցության հետ կքննարկենք և միասնաբար ընդունված որոշման վերաբերյալ մեր տեսակետը կհստակեցնենք»:
Հայտարարությունը թուրքական մամուլում մեծ աղմուկ էր բարձրացրել ու արժանացել էր քննադատության, որից հետո նախարարը իր վերջին հայտարարության մեջ պարզաբանել էր. «Ես «ցեղասպանություն» արտահայտությունը չեմ օգտագործել: Թուրքիան պետք է առերեսվի անցյալի իրողությունների հետ: Մի՞թե 1915 թվականին որևէ բան չի եղել: Բա ու՞ր են այդ հայերը: Փաստ է, որ սպանություններ են եղել, և դրա անունն էլ կոտորած է: Ցեղասպանություն չեմ ասել , բայց դա կոտորած է»:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |