Տարածաշրջան07:44, 03 Սեպտեմբեր 2015
PKK-ն հարձակումներ է իրականացրել Թուրքիայում. կա 4 զոհ
Գիշերը և վաղ առավոտյան «Քուրդիստանի բանվորական կուսակցության» (ՔԲԿ-PKK) զինյալները Թուրքիայի տարբեր շրջաններում զինված հարձակումներ ու պայթյուններ են իրականացրել: Պայթյունների ու հարձակումների հետևանքով կա 4 զոհ և 5 վիրավոր:
Ըստ թուրքական «Milliyet» թերթի կայքի` այսօր վաղ առավոտյան Մարդինի Դարգեչիթ գավառում ՔԲԿ-ականների կողմից նախօրոք ականապատված ճանապարհով անցնելու ընթացքում պայթեցվել է մի ոստիկանական մեքենա: Պայթյունի հետևանքով 4 ոստիկան է զոհվել:
Ըստ թուրքական «maynet.com» կայքի` ՔԲԿ-ականները գիշերվա ժամերին նռնականետերով հարձակումներ են իրականացրել Հաքքարիի նահանգի Շեմդինլի գավառի Յեշիլովա անցակետի անվտանգության ծառայողների ու Ումուրլուի 34-րդ սահմանային բրիգադի վրա:
Մարդինի նահանգի Դերիքի գավառում էլ քուրդ գրոհայինները պայթեցրել են անվտանգության աշխատակիցներին տեղափոխող մեքենան, ինչի հետևանքով 2 ոստիկան է վիրավորվել:
Էլազըղի (Խարբերդ) Քովանջըլար գավառում ՔԲԿ-ականները հարձակվել են ճանապարհային ոստիկանության անցակետի վրա, ինչի հետևանքով էլ վիրավորվել է 3 ոստիկան:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |