Դեմիրթաշ. «Երկրի արևելքում ընտությունների անցկացման համար պայմաններ չկան»

Տարածաշրջան13:39, 02 Սեպտեմբեր 2015

Դեմիրթաշ. «Երկրի արևելքում ընտությունների անցկացման համար պայմաններ չկան»

Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահ Սելահաթթին Դեմիրթաշը հայտարարել է, որ երկրի արևելքում ընտությունների անցկացման համար պայմաններ չկան:

Այս մասին տեղեկացնում է «CnnTürk» լրատվական ծառայությունը: Դմիրթաշը հայտնել է, որ արևելյան շրջաններից եկածները լավ լուրեր չեն բերում և այդ պայմաններում գործնականում գրեթե հնարավոր չէ խորհրդարանական ընտրություններ անցկացնել: Ըստ Դեմիրթաշի՝ երկրի արևմուտքում ապրողները հակառակ կողմում տեղի ունեցող լուրջ խախտումների միայն 10 տոկոսի մասին է իրազեկված:

Քրդամետ կուսակցության համանախագահը կարծիք է հայտնել, որ սոցհարցումների տվյալներով՝ իշխող «Արդարություն և զարգացում» կուսակցության (AKP-ԱԶԿ) հնարավորությունները շատ ցածր լինելու դեպքում, հնարավոր է ընտրությունները հետաձգվեն: Ըստ Դեմիրթաշի՝ ԱԶԿ-ի ուզածը հենց դա է:

Ծագումով զազա քուրդ քաղաքական գործիչը հավելել է, որ ԺԴԿ-ի օրակարգում ընտրություններին չմասնակցելու հարց չկա և իրենց նպատակն է 20 տոկոս ձայն հավաքել:

Աղբյուր` Ermenihaber.am