Metropoll . «Ընտրություներից հետո Թուրքիայի խորհրդարանում կրկին կոալիցիայի անհրաժեշտություն կառաջանա»

Քաղաքական07:30, 28 Օգոստոս 2015

Metropoll . «Ընտրություներից հետո Թուրքիայի խորհրդարանում կրկին կոալիցիայի անհրաժեշտություն կառաջանա»

«Metropoll» սոցիալական հետազոտությունների ընկերությունը հրապարակել է Թուրքիայում նոյեմբերի 1-ին անցկացվելիք խորհրդարարնական ընտրություններին քաղաքական կուսակցությունների ստանալիք ձայների հավանական պատկերը: «Metropoll»-ի տնօրեն Օզեր Սենջարը CNNTurk-ի հետ զրույցում հայտնել է, որ ըստ օգոստոսին անցկացված հարցումների, առաջիկա ընտրություններում կուսակցությունների հավաքած ձայների քանակը չի փոփոխվի: Ըստ Սենջարի՝ արտահերթ ընտրություններից հետո դարձյալ կծագի կուսակցությունների միջև կոալիցիա ստեղծելու ահնրաժեշտությունը:

Հետազոտության համաձայն՝ Թուրքիայի իշխող արդարություն և զարգացում» (ԱԶԿ - AKP) կուսակցության նախկին ընտրողները, որոնք հունիսի 7-ի ընտրություններին չէին մասնակցել, նոյեմբերին կայանալիք ընտրություններում նորից կքվեարկեն ԱԶԿ-ի օգտին:

Քրդամետ ընդդիմադիր «Ժողովուրդների դեմոկրատական կուսակցությունը» (ԺԴԿ - HDP), ըստ «Metropoll»-ի, ամենամեծ փոփոխությունները կգրանցի արտահերթ ընտրությունների ժամանակ: Նախորդ ընտրությունների համեմատ ԺԴԿ –ին նախապատվություն տվողների թիվ ակնհայտորեն կմեծանա:

Նույն ուսումնասիրության արդյունքների համաձայն՝ ընդդիմադիր «Ժողովրդահանրապետական» կուսակցությանն» ( ԺՀԿ-CHP) ընտրողների թիվն աննշան չափով կաճի,մինչդեռ ընդդիմադիր «Ազգայնական շարժում» կուսակցությունը (ԱՇԿ - MHP) այս առումով նույնիսկ հետընթաց կգրանցի՝ այս կուսակցությանն ընտրողների թիվը հունիսի ընտրությունների համեմատ նոյեմբերին էլ ավելի կնվազի:

Հետազոտական ընկերության տնօրենը կարծիք է հայտնել, որ արտահերթ ընտրություններից հետո Թուրքիայի խորհրդարանում կուսակցությունների ստացած մանդատների պատկերը էականորեն չի փոխվի և կրկին անհրաժեշտություն կառաջանա կոալիցիա ստեղծելու: Ըստ Սենջարի՝ եթե ԱԶԿ-ն և ԺՀԿ-ն կարոողանան համաձայնության գալ և կոալիցիա ստեղծել, ապա գլխավոր ընդդիմադիր ուժը կլինի ոչ թե ԱՇԿ-ն, այլ ԺԴԿ-ն:

Աղբյուր` Ermenihaber.am