Anadolu. Վերջին 50 օրում Թուրքիայի զինված ուժերի կողմից 918 քուրդ զինյալ է սպանվել

Տարածաշրջան10:44, 26 Օգոստոս 2015

Anadolu. Վերջին 50 օրում Թուրքիայի զինված ուժերի կողմից 918 քուրդ զինյալ է սպանվել

Թուրքական «Anadolu» լրատվական գործակալությունը ներկայացրել է հուլիսի 7-ից օգոստոսի 26-ն ընկած ժամանակահատվածում Թուրքիայի զինված ուժերի՝ «Քուրդիստանի բանվորական կուսակցության» (ՔԲԿ- PKK) դեմ պայքարի հետևանքների ընդհանուր պատկերը: Այս այդմ՝ նշյալ ժամանակահատվածում Թուրքիայում սպանվել է 60 անվտանգության աշխատակից՝ ոստիկան, զինվոր, թիկնապահ, ինչպես նաև՝ 15 քաղաքացիական անձ, որոնցից մեկը՝ Իրանի քաղաքացի, վիրավորվել է 206 քաղաքացիական անձ, որոնցից 3-ը՝ դարձյալ Իրանի քաղաքացի:

ՔԲԿ-ականների կողմից ընդհանուր առմամբ այրվել է 211 մեքենա, որոնց մեծ մասը՝ բեռնատար: Թուրքիայի ներսում նշյալ ժամանակահատվածում սպանվել է 88 ՔԲԿ-ական, իսկ 14 –ը ձերբակալվել , որոնցից 11-ը՝ վիրավոր վիճակում:

Աղբյուրի համաձայն՝ Թուրքիայի ներսում և նրա սահմաններից դուրս իրականացված ռազմական գործողությունների հետևանքով հուլիսի 22-ից ի վեր ընդհանուր առմամբ Թուրքիայի զինված ուժերի կողմից սպանվել է ՔԲԿ-ի 918 անդամ:

Օդային ռազմական գործողությունների արդյունքում Թուրքիայից դուրս վիրավորվել է 580 ՔԲԿ-ական, իսկ երկրի ներսում՝ 250-300 հոգի:

Հուլիսի 24-ց ի վեր ՔԲԿ-ի երիտասարդական թևը համավող «Հայրենասերների հեղափոխական երիտասարդական շարժման» (YDG-H), ինչպես նաև՝ «Իսլամական պետության» (ԻՊ- DEAŞ) և «Ազգի փրկության հեղափոխական ճակատ» կուսակցության (DHKP-C) դեմ Թուրքիայի տարբեր շրջաններում իրականացված գործողությունների արդյունքում 2 129 մարդ է ձերբակալվել:

Միայն օգոստոսի 24-25-ին՝ 24 ժամվա ընթացքում ՔԲԿ-ականների և թուրք անվտանգության ուժերի միջև բազմաթիվ զինված բախումներ են տեղի ունեցել Էրզրումում, Վանի Էդրեմիթ և Չաթաք շրջաններում, Դիարբեքիրի Սիլվան շրջանում, Ադանայում, Աղրըում, Թունջելիում, Բիթլիսի Հազան շրջանում, Ստամբուլում:

Աղբյուր` Ermenihaber.am