ERMENI HABER AJANSI

Թուրքիայի իշխող «Արդարություն և զարգացում» կուսակցությունը  (AKP-ԱԶԿ) նոր գործողությունների է պատրաստվում՝ վերջին շրջանում ահաբեկչական հարձակումները և տնտեսական խնդիրները երկրորդ պլան մղելու համար: Թուրքական «Zaman» պարբերականը, հղում անելով  «Taraf» թերթում «Լրագրողների դեմ նոր արշավի նախապատաստում» հոդվածին, գրում է, որ կալանվորվելու է 200 հոգի, այդ թվում` լրագրողներ: Բացի այդ քրդամետ «Ժողովուրդների դեմոկրատական կուսակցության» ղեկավարների, որոնք պատգամավորական մանդատ չունեն, տեղական ինքնակառավարման մարմինների ղեկավարների, որոնք ներկայացնում են գլխավոր 2 ընդիմադիր «Ժողովրդահանրապետական» և «Ազգայնական շարժում» կուսակցությունները, և ընդդիմադիր կազմակերպությունների նկատմամբ գործողություններ կիրականացվեն: ԺԴԿ համանախագահ Սելահաթթին Դեմիրթաշին կարգելվի քաղաքականությամբ զբաղվել: Ըստ հոդվածում տեղ գտած պնդումների՝ նշված բոլոր գործողությունների նպատակն է ստվերել ահաբեկչական միջադեպերը, ինչպես նաև  հասկացնել՝ «պետության տերը դեռ ԱԶԿ-ն է»: Նշվում է, որ ԱԶԿ-ի որոշ ղեկավարներ դեմ են եղել նշյալ ծրագրին:

«Zaman»-ը ներկայացրել է քաղաքական գործիչների, այդ թվում նաև հայազգի պատգամավոր Գարո Փայլանի կարծիքը անկախ մամուլին և ընդիմադիրներին լռեցնելու քաղաքականության վերաբերյալ:

Փայլանը ասել է. «Պետությունը «խելք» կոչվածը կորցրել է: Նախագահական պալատում գտնվող ավազակախումբը խելքը կորցրած հարձակումներ է անում աջ ու ձախ: Ռեջեփ Թայիփ Էրդողանը փորձում են վախի կայսրություն ստեղծել: Մարդկայնորեն մեր մարդկանց, մեր խիղճը, տնտեսությունը կորցնում ենք: Այս լրատվական դաշտում, որին անվանում ենք ԱԶԿ-ի մեդիա, մի գործողություն կա, որը չեն մարսելու: Քանի որ ցանկանում են ծածկել իրենց մեղքը»: