Թուրքիայի գլխավոր դատախազությունը ՔԲԿ-ի 52 անդամի ձերբակալելու որոշում է կայացրել

Տարածաշրջան14:03, 24 Օգոստոս 2015

Թուրքիայի գլխավոր դատախազությունը ՔԲԿ-ի 52 անդամի ձերբակալելու որոշում է կայացրել

Անկարայի գլխավոր դատախազությունը «Քուրդիստանի բանվորական կուսակցության» (PKK-ՔԲԿ) 52 անդամներին ձերբակալելու որոշում է կայացրել: 52 անձանց մեջ նշվում է «Քրդական համայնքների միության» (ՔՀՄ-KCK) գործադիր խորհրդի անդամներ Մուրադ Քարայըլանի, Ջեմալ Բայըքի, Դուան Քալքանի, Մուստաֆա Քարասուի, Ալի Հայդար Հայթանի, Ֆեհման Հուսեյինի և կազմակերպության Եվրոպայի պատասխանատու Սաբրի Օքի անունները:
Թուրքական «Sabah» պարբերականը հայտնում է, որ գլխավոր դատախազությունը ՔԲԿ-ի ղեկավար կազմի նկատմամբ 2011 թվականին սկսված հետաքննության շրջանակներում դիմել էր Անկարայի ոստիկանությանը՝ պահանջելով պարզել.

1. Ովքեր են ՔԲԿ կենտրոնական գործադիր խորհրդի անդամները:

2. Բոլոր այն գործողությունները, որոնք կատարվել են «Քրդական բանվորական կուսակցության» ղեկավարների կարգադրությամբ:

3. Որ երկրներում են գործունեություն ծավալել 52 կասկածյալները:

4. Որտեղ են գտնվում այժմ վերոնշյալ կասկածյալները:

Ոստիկանության հետաքննության շրջանակներում Թուրքիայի 81 նահանգից ստացած տեղեկությունները ուղարկել է գլխավոր դատախազություն, որի պահանջով էլ քրեական դատարանը 52 կասկածյալների նկատմամբ ձերբակալման որոշում կայացնել:

ՔԲԿ անդամները մեղադրվում են «պետության միասնականությունը և երկրի ամբողջականությունը խախտելու», «զինված խմբավորում հիմնելու և ղեկավարելու» մեջ: Նշվում է, որ 52 կասկածյալները առանձին-առանձին կդատապարտվեն յուրաքնչյուր գործողության համար, որոնք ստանձնել է ՔԲԿ-ն և որոնցում բացահայտվել է ՔԲԿ-ի մասնակցությունը:

Աղբյուր` Ermenihaber.am