Իրաքի Քիրքուք քաղաքում հայկական եկեղեցի է բացվել

Տարածաշրջան12:47, 20 Օգոստոս 2015

Իրաքի Քիրքուք քաղաքում հայկական եկեղեցի է բացվել

Իրաքի Քիրքուք քաղաքում հայկական եկեղեցի է բացվել: Այս մասին գրում է թուրքական «beyazgazete.com» կայքը: Եկեղեցու բացմանը ներկա է եղել Քիրքուքի նահանգապետ Նեջմեթթին Քերիմը, ով հանդես է եկել ելույթով: Քերիմը, տեղեկացնելով, որ վերջին տարիներին Քիքուքում ապրող քրիստոնյաների 75 տոկոսը լքել է երկիրը, ասել է, որ իրենք անում են հնարավորը այդ արտագաղթը կանխելու համար:

Նահանգապետն ասել է, որ չնայած Բաղդադի հետ քաղաքական հակասություններին իրենք շարունակում են իրականացնել նախատեսված ծրագրերը:

Արքեպիսկոպոս Աբիդին Մարկոսյան էլ նշել է, որ վերջին տարիներին քրիստոնյաները և հատկապես հայ քրիստոնյաները Իրաքում մեծ դժվարությունների միջով են անցնում:

«Այդ ամենի հիմնական պատճառը ծայրահեղական կազմակերպություններն են: Կյանքի ապահովության համար Քիրքուքից հազարավոր հայ ընտանիքներ են հեռացել: Այսօր Քիրքուքում հազիվ 50 հայ ընտանիք է ապրում»,- նշել է հայ հոգևորականը:

Աղբյուր` Ermenihaber.am