Տնտեսական10:44, 19 Օգոստոս 2015
Ընտրություններից հետո Թուրքիայի տնտեսությունն արագ անկում է ապրում
«Հունիսի 7-ի խորհրդարանական ընտրություններից հետո Թուրքիայում սկսեցին տագնապի ազդանշաններ հնչել»: Այս մասին հայտնում է թուրքական «haberturk.com» լրատվական ծառայությունը՝ ներկայացնելով ընտրություններից հետո երկրի տնտեսության անկման պատճառ դարձած առանցքային իրադարձությունները:
- Նվազել է թուրքական լիրայի հանդեպ վստահությունը: Դրա ապացույցներից մեկն այն է, որ երկրում մեծացել է արտարժույթով գործող բանկային հաշիվների ընդհանուր ծավալը, որը հունիսի 7-ից սկսած երկու ամսվա ընթացքում 1 տոկոսով աճելով՝ կազմել է 512.4 մլրդ թուրքական լիրա (ընդհանուր կապիտալի 43.8 տոկոսը):
- Նվազել են Թուրքիայի միջազգային ներդրումները, որոնք միայն վերջին երկու ամսվա ընթացքում 122.8 մլրդ դոլարից իջել են 119.2 միլիարդի:
- Դոլարի սակագինը լիրայի նկատմամբ բարձրացել է 8.7 տոկոսով: Տարեսկզբին 2.35 լիրա գնահատվող դոլարը ներկայումս 2.9-ի է հասել, ինչն իր ազդեցությունն է ունենում երկրում բոլոր տեսակի ապրանքների ու ծառայությունների գնի վրա:
- Նվազել են Թուրքիայի՝ արտերկրից ստացվող եկամուտները. մեծ մասամբ Ռուսաստանից Թուրքիա եկող զբոսաշրջիկների թվի նվազման հետևանքով եկամուտները 14 տոկոսով պակասել են: 8.2 տոկոսով փոքրացել են նաև արտահանման ծավալները՝ կապված ԵՄ-ի անդամ և հարևան երկրներում առկա ճգնաժամի հետ:
- 310.000-ով ավելացել են քաղաքացիների կողմից վարկային գծերի պարտքերի մարել չկարողանալու դեպքերը:
- Անցյալ տարվա առաջին կեսի համեմատ 20 տոկոսով աճել է բանկերի կողմից պարտքերի չվճարման պատճառով առգրավված/բողոքարկված պարտատոմսերի քանակը՝ կազմելով 4.3 մլրդ լիրա:
- Դոլարի սակագնի արագ բարձրացմամբ պայմանավորված՝ տարվա առաջին երկու եռամսյակների միջև կարճաժամկետ պարտքերի՝ 23.3 մլրդ լիրայով աճ է գրանցվել:
- Անցյալ տարվա մայիսի համեմատ այս տարի ավելացել է գործազրկությունը: Բնակչության 9.3 (2մլն 789) տոկոսը կազմող գործազրկության այս ցուցանիշը ամենաբարձրն է վերջին 5 տարվա ընթացքում:
- Վերջին երկու ամիսների ընթացքում բորսայում ևս գրանցվել է 6 տոկոսանոց անկում:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |