Թուրքիայի միակ հայկական գյուղում պատարագ է մատուցվել Ս. Աստվածածնի տոնի առթիվ

Հասարակական08:33, 17 Օգոստոս 2015

Թուրքիայի միակ հայկական գյուղում պատարագ է մատուցվել Ս. Աստվածածնի տոնի առթիվ

Թուրքիայի միակ հայկական գյուղում՝ Հաթայ նահանգի Սամանդաղ շրջանում գտնվող Վաքըֆլըյում, Սբ. Աստվածածնի վերափոխման տոնի առթիվ պատարագ է մատուցվել:

Պատարագը մատուցել է Պոլսո հայ պատրիարքի փոխանորդ արքեպիսկոպոս Արամ Աթեշյանը՝ Ավետիս Թաբաշյանի օգնականությամբ: Պատարագին մասնակցել են Թուրքիայի ընդդիմադիր «Ժողովրդահանրապետական կուսակցության » (ԺՀԿ CHP) պատգամավոր հայազգի Սելինա Դողանը և քրդամետ ընդդիմադիր «Ժողովուրդների դեմոկրատական կուսակցության» (ԺԴԿ - HDP) հայազգի պատգամավոր Գարո Փայլանը:
Պատրիարքի փոխանորդն օրհնել է եկեղեցում բոլոր ներկա գտնվողներին: Պատարագից հետո եեկեղեցու բակում պատրաստվել է այցելուներին է բաժանվել ավանդական հայկական հարիսա:

Լրագրողների հետ զրույցում Սելինա Դողանը նշել է, որ շնորհավորում է ողջ աշխարհի հայերին Աստվածածնի վերափոխման տոնի առթիվ և օրհնված բերքի առատություն մաղթում:

«Խորհրդարանում իմ առաջին քայլը կլինի ապահովել ատելության վրա հիմնված հանցանքների հետ կապված օրինագծի՝ հնարավորինս արագ կյանքի կոչումն ու կիրառումը: Մենք բոլորս հասարակական համերաշխության, եղբայրության և դրական երկխոսության կարիք ունենք: Իսկ դրա համար համապատասխան օրինական հիմք է պետք»,- ասել է Սելինա Դողանը՝ հավելելով, որ օրեսդիր մարմնի աշխատանքները սկսելուն պես ինքը կսկսի աշխատել այդ ուղղությամբ:

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։