Հասարակական13:53, 14 Օգոստոս 2015
Սելինա Դողան. ԱԶԿ-ի վերաբերմունքը հող է նախապատրաստել «Քամփ Արմենի» վրա հարձակման համար
Թուրքիայի խորհրդարանի հայ պատգամավոր Սելինա Դողանը հայտարարություն է տարածել` կապված «Քամփ Արմեն» ճամբարում հերթապահող հայ երիտասարդների վրա կատարված հարձակման հետ:
Նա հայտարարության մեջ նշել է, որ ոչ միայն հայերի այլև ժողովրդավար ուժերի համար խորհրդանիշ դարձած «Քամփ Արմեն» պահպանության համար կամավոր հերթապահությունն իրականացնողների վրա հարձակվել են պայքարի 100-րդ օրը: Ըստ պատգամավորի՝ խորհրդանշական օրը կատարված հարձակումը ցույց է տալիս դեպքի իրական խորությունը:
«Բոլոր փոքրամասնությունների, մասնավորապես հայ համայնքի սեփականության հարցում համապարփակ օրենսդրական փոփոխությունն անհրաժեշտություն է: Սակայն «Քամփ Արմենի» կարգավիճակի հարցը պետք է լուծվի մինչև այդ օրենսդրական փոփոխությունների իրականացումը»,- գրել է Դողանը: Պատգամավորը հիշեցնում է նաև, որ խորհրդարանական ընտրություններից առաջ իշխող «Արդարություն և զարգացում» կուսակցությունը (AKP-ԱԶԿ) խոսք էր տվել հարցը լուծել, սակայն, իշխող կուսակցությունը, կիրառելով իր շեղող մարտավարությունը, որին ամենից լավ է տիրապետում, ո՛չ ընտրություններից առաջ և ո՛չ էլ հետո խոստումը չկատարեց:
Ըստ հայ պատգամավորի՝ ԱԶԿ-ի այս վերաբերմունքը հող է նախապատրաստել այդ հարձակման համար: «Ցանկանում եմ հայտնել, որ քանի դեռ չեն բացահատվել հանցագործները և նրանց կապերը, ամբողջ պատասխանատվությունը լինելու է իշխանության ուսերին: Հարձակվողներին չհայտնաբերելը և նրանց կապերը չբացահայտելը խթան կդառնա նմանատիպ հարձակումների համար:
Հայ որբերի, այդ թվում նաև Հրանտ Դինքի կառուցած և հանրային հիշողության համար այսչափ մեծ կարևորություն ունեցող «Քամփ Արմենը» առանց ժամանակ կորցնելու պետք է վերադարձնել իրական տերերին»,- ասվում է Դողանի հայտարարության մեջ:
Հիշեցնենք, որ «Քամփ Արմեն» հայկական ճամբարը Ստամբուլի Թուզլա շրջանում գտնվող լքյալ ու կիսաքանդ մի շինություն է: Ներկայումս ավերակի վերածված շինությունը ժամանակին եղել է չքավոր ու որբ հայ երեխաների ամառային ճամբարը: 8.552 քմ տարածք զբաղեցնող «ՔամփԱրմենը» 1961 թվականին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Հայտնի է, որ այստեղ են մեծացել նաև 2007թ. Թուրքիայում սպանված հայտնի հայ լրագրող Հրանտ Դինքը և նրա կին Ռաքել Դինքը: Հետագայում ճամբարը թուրքական իշխանությունների կողմից ապօրինաբար խլվել է հայ համայնքի ձեռքից:
2015 մայիսի 6-ի առավոտյան ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես հնարավոր եղավ դադարեցնել: Ճամբարի ապամոնտաժումը թույլ չտալու նպատակով «Քամփ Արմեն»-ում սկսված հերթապահությունն ընթանում է արդեն 100 օր:
Այս ենթաբաժնի վերջին նորությունները
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |