Հասարակական06:48, 14 Օգոստոս 2015
Անհայտ անձինք մահակներով հարձակվել են «Քամփ Արմեն»-ում հերթապահող երիտասարդների վրա
Գիշերը ժամը 23:30–ի սահմաններում անհայտ անձինք մահակներով հարձակվել են Ստամբուլի Թուզլա շրջանում գտնվող «Քամփ Արմեն» հայկական որբանոց-ճամբարի տարածքում հերթապահություն իրականացնող երիտասարդների վրա:
Ըստ թուրքական «Demokrat haber» լրատվական կայքի` հերթապահության 100-րդ օրը կազմակերպված հարձակումը հետ մղելիս մարմնական վնասվածքներ են ստացել երկու երիտասարդ, որոնք տեղափոխվել են հիվանդանոց: Հաղորդվում է, որ որբանոց-ճամբարի վրա հարձակվողները 2-3 մեքենայով են եղել:
Դեպքի առիթով հայտարարություն է տարածել Ստամբուլի «Նոր զարթոնք» հայկական նախաձեռնությունը, որը համակարգում է «Քամփ Արմեն»-ը հայ համայնքին վերադարձնելու պահանջով ճամբարում արդեն 100 օր շարունակվող հերթապահությունը: Հայտարարության մեջ ասվում է. «Ցանկանում ենք հայտարարել, որ ցեղասպան մտածելակերպի դրսևորում հանդիսացող այս հարձակումը չի կարողանալու կոտրել մեր դիմադրությունը, և մենք նույն վճռականությամբ շարունակելու ենք «Քամփ Արմենի դիմադրությունը»: Մեր բոլոր ընկերներին ևս մեկ անգամ կոչ ենք անում աջակցել «Քամփ Արմենի դիմադրությունը»:
Հարձակման մասին լուր տարածվելուն պես ստամբուլաբնակ մի խումբ քաղաքացիներ հերթապահողներին աջակցություն ցուցաբերելու նպատակով շտապել են դեպքի վայր:
Հիշեցնենք, որ «Քամփ Արմեն» հայկական ճամբարը Ստամբուլի Թուզլա շրջանում գտնվող, երեկ լքված, այսօր արդեն կիսաքանդ մի շինություն է: Ներկայումս ավերակի վերածված շինությունը ժամանակին եղել է չքավոր ու որբ հայ երեխաների ամառային ճամբարը: 8.552 քմ տարածք ունեցող «ՔամփԱրմենը» 1961 թվականին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Հայտնի է, որ այստեղ են մեծացել նաև 2007թ. Թուրքիայում սպանված հայտնի հայ լրագրող Հրանտ Դինքը և նրա կին Ռաքել Դինքը:
2015 մայիսի 6-ի առավոտյան ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես դադարեցվել էր:
Ճամբարի ապամոնտաժումը թույլ չտալու նպատակով «Քամփ Արմեն»-ում սկսված հերթապահությունն ընթանում է արդեն 101 օր:
Այս ենթաբաժնի վերջին նորությունները
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |