Թուրքիա, արտահերթ ընտրություններ, երեք հնարավոր սցենար

Քաղաքական07:24, 14 Օգոստոս 2015

Թուրքիա, արտահերթ ընտրություններ, երեք հնարավոր սցենար

Թուրքիայի իշխող «Արդարություն և զարգացում» (ԱԶԿ-AKP) և ընդդիմադիր «Ժողովրդահանրապետական» (ԺՀԿ- CHP) կուսակցությունների առաջնորդների՝ վարչապետ Ահմեթ Դավութօղլուի և Քեմալ Քըլըչդարօղլուի հանդիպումը, որի շրջանակներում քննարկվում էին հնարավոր կոալիցիայի ստեղծման պայմանները, դրական արդյունքներ չեն տվել:

Թուրքական «Mynet.com» լրատվակայքը ներկայացնում է ստեղծված իրավիճակի վերլուծությունն ու հնարավոր զարգացումները: Ըստ աղբյուրի՝ ներկայումս ամենահավանական տարբերակն արտահերթ ընտրություններ անցկացնելն է: Իսկ արտահերթ ընտրությունները կարող են իրականացվել երեք տարբերակով:

Առաջինը մեջլիսի որոշումն է արտահերթ ընտրություններ անցկացնելու մասին: Իշխող AKP-ն կարող է խորհրդարանի արտակարգ նիստ գումարել՝ արտահերթ ընտրությունների հարցը քննարկելու: 257 պատգամավորական մանդատ ունեցող AKP-ին պետք կլինի մյուս կուսակցությունների աջակցությունը՝ մեջլիսում որևէ որոշում անցկացնելու համար: Ըստ աղբյուրի՝ ընդդիմադիր CHP-ն և «Ժողովուրդների դեմոկրատական կուսակցությունը» (ԺԴԿ-HDP) դեմ կլինեն այդ տարբերակին: Մինչդեռ ընդդիմադիրներից «Ազգայնական շարժում« կուսակցությունը (ԱՇԿ-MHP) կարող է ընդառաջ գնալ իշխանության նման նախաձեռնությանը: Եթե նույնիսկ MHP-ն ձեռնպահ մնա AKP-ի կազմակերպած նման քվեարկության ժամանակ մեջլիսը կկարողանա արտահերթ ընտրությունների որոշում ընդունել:

Երկրորդ տարբերակը փոքրամասնությունների իշխանության ստեղծումն է, ինչի համար, ըստ թուրքական աղբյուրի, AKP-ն կարող է դիմել MHP-ին: Սակայն, դատելով իրավիճակից, MHP-ն ներկայումս հակված չէ նման կառավարության ստեղծմանը:

Երրորդ տարբերակը ժամանակավոր կառավարության ստեղծումն է՝ արտահերթ ընտրությունների կազմակերպման համար: Դա հնարավոր է Թուրքիայի նախագահ Ռեջեփ Թայիփ Էրդողանի և խորհրդարանի նախագահ Իսմեթ Յըլմազի համատեղ որոշման դեպքում միայն: Նշվում է, որ CHP-ն և HDP-ն առավելապես հակված են այս կերպ արտահերթ ընտրությունների կազմակերպմանը: Նման դեպքում կուսակցությունները կզբաղեցնեն այնքան նախարարություններ, ինչ չափով որ ներկայացված են խորհրդարանում:

Հիշեցնենք, որ AKP-ի ներկայացուցիչը Դավութօղլու-Քըլըչդարօղլու հանդիպումից հետո հայտարարել էր, որ արդյունքը բացասական է: MHP-ի հետ կոալիցիա կազմելու շանսերը քիչ են: հետվաբար երեք ամսվա ընթացքում արտահերթ ընտրություններ կկազմակերպվեն:

Աղբյուր` Ermenihaber.am

Այս ենթաբաժնի վերջին նորությունները

13:39, 04 հուլ

Թուրքիայի ԱԳՆ. «Թուրքմենները պատշաճ կերպով պիտի ներկայացված լինեն Իրաքի քաղաքականության մեջ»

Թուրքիայի արտաքին գործերի նախարարության մամուլի խոսնակն անդրադարձել է Իրաքի Քիրքուկ քաղաքում տեղի ունեցող զարգացումներին։

11:41, 04 հուլ

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:

10:48, 04 հուլ

Էրդողանը մեկնել է Ստեփանակերտ

Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։

Էրդողանը մեկնել է Ստեփանակերտ