2014-ին Թուրքիայում փակվել են 100-ավոր դպրոցական գրադարաններ

Գիտակրթական13:33, 06 Օգոստոս 2015

2014-ին Թուրքիայում փակվել են 100-ավոր դպրոցական գրադարաններ

Թուրքիայի վիճակագրական ծառայությունը առաջին անգամ տեղեկություններ է տրամադրել Թուրքիայում գործող գրադարանների և այնտեղ պահվող գրքերի քանակի մասին: Թուրքական «sozcu» լրատվական կայքը, հղում անելով ներկայացված տվյալներին, նշում է, որ այժմ Թուրքիայում գործում է 29.629 գրադարան, որից մեկն ազգային է, 1.121-ը՝ հանրային, իսկ 559-ը՝ համալսարանական: Գրադարաններից 27.948-ն էլ պատկանում են հանրային կրթական կազմակերպություններին:

Թուրքիայի ազգային գրադարանն ունի պաշտոնապես գրանցված 28.356 անդամ, հասարակական գրադարաններն ունեն 1մլն 209.766 անդամ, իսկ համալսարանական գրադարանների անդամների թիվը կազմում է 3մլն 870.122:

Նույն վիճակագրական տվյալների համաձայն` 2014թ. Թուրքիայի հանրային գրադարանների թիվը 2013թ. համեմատ, աճելով 0.3 տոկոսով, կազմել է 1.121: Հանրային գրադարաններում գրքերի քանակը 2013-ի համեմատ ավելացել է 6.3 տոկոսով և կազմել 17.մլն 111.825 միավոր:

Եթե Հանրային գրադարանների թիվը Թուրքիայում ավելացել է, ապա նույնը չի կարելի ասել դպրոցական գրադարանների մասին: Նախորդ տարի փակվել են 100-ավոր դպրոցական գրադարաններ: Ըստ վիճհետազոտության՝ դրանց թիվը 2014թ-ին 9.4 տոկոսով նվազել է 2013-ի համեմատ և կազմել է 27.948:

Աղբյուր` Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։