Ցեղասպանություն13:57, 05 Օգոստոս 2015
Հայոց ցեղասպանությունը որպես տեղահանություն ներկայացնող առաջին լիամտերաժ ֆիլմը Թուրքիայում
Թուրքիայում նկարահանվել է 1915-ի ողբերգության թեմայով մասին պատմող առաջին լիամետրաժ ֆիլմը՝ «Կորուսյալ թռչունները», որը, Հայոց ցեղասպանությունը ներկայացնում է որպես տեղահանության ողբերգություն: Ռեժսորներ Արեն Փերդեջիի և Էլա Ալյամաչի հեղինակած և Թուրքիայի մշակույթի նախարարության աջակցությամբ նկարահանված ֆիլմի անոնսը մեծ հետաքրքրություն է առաջացրել և դիտվել է արդեն 113 երկրներում:
Ֆիլմին անդրադարձած թուրքական «Radikal» պարբերականը գրում է. ««Kara Kedi Film» («Քարա Քեդի ֆիլմ») ընկերության նկարահանած «Կորուսյալ թռչունները» ուշագրավ է մի գիշերում իրենց ողջ ընտանիքը կորցրած քրոջ ու եղբոր՝ Մարիամի և Պետոյի՝ ընտանիքի որոնումները նկարագրող թախծալից պատմությամբ, որն իր մեջ ամփոփում է հազարավոր հայ երեխաների ճակատագիրը»:
Գլխավոր դերերում հանդես են գալիս Դիլա Ուլուջան և Հերոս Ագոպյանը, որոնք այս դերերի համար ընտրվել են Թուրքիայում բնակվող և դերի համար թեկնածու հանդիսացող շուրջ 502 երեխաներից:
«Տպավորիչ տեսարաններով, տաղանդավոր դերասաններով մեծ բյուջեով, պատմական իրականությանը համապատասխանող ստեղծագործական երևակայությամբ և բանաստեղծական երաժշտությամբ» աչքի ընկնող «Կորուսյալ թռչունների» ցուցադրությունը Թուրքիայում կսկսվի հոկտեմբերի վերջին կամ նոյեմբերի սկզբին»,- գրում է «Radikal»-ը:
Ըստ թուրքական պարբերականի՝ ֆիլմի նկարահանումները նախապատրաստվել են հինգ տարվա ընթացքում: Ընդհանուր թվով ֆիլմում օգտագործվել են հատուկ այդ նպատակի համար հնամենի լուսանկարներից ընտրված և նույնությամբ կարված շուրջ 1000 կտոր հագուստ:
Ֆիլմի համար պատմական մասնագիտական խորհրդատվություն են իրականացրել բեռլինաբնակ Վահե Թաշչյանը և ստամբուլաբնակ Եդվարդ Թոմասյանը:
Հատուկ «Կորուսյալ թռչունների» նկարահանումների համար ժամանակաշրջանին բնորոշ ոճով վերակառուցվել է 1890թ. թվագրվող և մինչ այդ ավերված վիճակում գտնվող մի կառույց: Ֆիլմում տեղ գտած գյուղական հրապարակն ու սրճարանը ևս նույնությամբ վերարտադրվել են պատմական լուսանկարներից:
Հինգ տարի տևած ուսումնասիրություններից և ևս մեկ տարի տևած նախապատրաստական աշխատանքներից հետո սկսած նկարահանումները ավարտվել են 30 օրվա ընթացքում:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |