Թուրքիայի ԶՈւ գլխավոր շտաբի նոր պետ է առաջադրվել

Տարածաշրջան12:12, 05 Օգոստոս 2015

Թուրքիայի ԶՈւ գլխավոր շտաբի նոր պետ է առաջադրվել

Թուրքիայի զինված ուժերի (ԶՈւ) գլխավոր շտաբի պետ է նշանակվել Թուրքիայի ցամաքային ուժերի արդեն նախկին հրամանատար բանակի գեներալ Հուլուսի Աքարը:

Ըստ թուրքական «dunyabulteni» լրատվակայքի` նման որոշում է կայացվել Թուրքիայի Բարձրագույն զինվորական խորհրդի նիստում (YAS):

Բացի այդ տեղի են ունեցել փոփոխություններ նաև զինվորական այլ բարձր պաշտոններում: Աքարից հետո թափուր մնացած ցամաքային ուժերի հրամանատարի պաշտոնին, ըստ նույն աղբյուրի, նշանակվել է առաջին բանակային կորպուսի հրամանատար Սալիհ Զեքի Չոլաքը: Ռազմածովային ուժերի հրամանատար, բանակի գեներալ Բուլենթ Բոսթանօղլուի պաշտոնավարումը 1 տարով երկարացվել է:

Թուրքիայի օդային ուժերի հրամանատար, բանակի գեներալ Աքին Օզթուրքին փոխարինել է բանակի գեներալ Աբիդին Ունալը: Իսկ Թուրքիայի ժանդարմերիայի գլխավոր հրամանատար է նշանակվել Թուրքիայի Էգեյան բանակի հրամանատար Գալիփ Մենդինը: Իսկ Էգեյան բանակի նոր հրամանատար է նշանակվել Ումիթ Դունդարը, որը մինչ այդ զբաղեցնում է Թուրքիայի 3 բանակային կորպուսի հրամանատարի պաշտոնը:

Վերոհիշյալ նշանակումները կհայտարարվեն Թուրքիայի նախագահ Ռեջեփ Թայիփ Էրդողանի վավերացումից հետո միայն:

ԶՈւ գլխավոր շտաբի նորանշանակ պետ Հուլուսի Աքարը ծնվել է 1952-ին: Նախկինում նա զբաղեցրել է Բոսնիա և Հերցոգովինայում թուրքական ուժերի հրամանատարի օգնականի պաշտոնը:

Աղբյուր` Ermenihaber.am

Այս ենթաբաժնի վերջին նորությունները

15:16, 21 հուլ

Հրդեհներ Թուրքիայի հյուսիս-արևելքում. տարհանվել է 2 թաղամաս

Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

13:25, 21 հուլ

Hurriyet. «Իսրայելի թիրախը Թուրքիան է»

Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։