Իրանը ժամանակավորապես փակել է Թուրքիայի հետ հյուսիս-արևմտյան սահմանը

Տարածաշրջան09:02, 04 Օգոստոս 2015

Իրանը ժամանակավորապես փակել է Թուրքիայի հետ հյուսիս-արևմտյան սահմանը

Իրանի ոստիկանապետ գեներալ Հուսեյն Աշթարին հայտարարել է, որ Թուրքիայում արդեն 2 շաբաթ տեղի ունեցող հարձակումների պատճառով Իրանը ժամանակավորապես փակել է թուրք-իրանական հյուսիս-արևմտյան սահմանը:

Թուրքական «milliyet» պարբերականը, վկայակոչելով իրանական «Tasnim» լրատվական գործակալությունը, նշում է, որ երբ Աշթարիին հարցրել են, թե ի՞նչի հետ է կապված Գուրբուլաք Քփըքյոյ և Էսենդերե սահմանային անցկետերի փակումը, նա պատասխանել է, որ այդ ամենի մասին պետք է հարցնել Իրանի ազգային անվտանգության բարձրագույն խորհրդին, սակայն գլխավոր պատճառը Թուրքիայի սահմաններին առկա լարվածությունն է:

Որպես գլխավոր պատճառ նա առաջ է քաշել Թուրքիայի օդուժի ռազմական գործողությունները Սիրիայում և Իրաքում, ինչպես նաև «Քուրդիստանի բանվորական կուսակցության» (ՔԲԿ-PKK) զինյալների կողմից Թուրքիայի Աղրը (Արարատ) նահանգի Բայազետ շրջանով անցնող և Իրան-Թուրքիա գազատարի պայթեցումը, որի հետևանքով 3 օր շարունակ խափանվել էր բնական գազի մատակարարումը Իրանից Թուրքիա:

Աղբյուր` Ermenihaber.am