Տարածաշրջան09:31, 04 Օգոստոս 2015
PKK-ն գիշերվա ընթացքում առնվազն 6 գործողություն է իրականացրել Թուրքիայում. կա 3 զոհ
Թուրքիայի տարբեր շրջաններում ողջ գիշերվա ընթացքում և առավոտյան ժամերին «Քուրդիստանի բանվորական կուսակցության» (PKK-ՔԲԿ) զինյալները առնվազն 6 գործողություն են իրականացրել, այդ թվում` պայթյուններ ու հարձակումներ թուրքական անվտանգության ուժերի վրա:
Առավոտյան ժամը 8:00-ի սահմաններում Շըրնաքում իրականացված պայթյունի հետևանքով զոհվել է 3 անվտանգության ծառայող, վիրավորվել` երկուսը:
Թուրքական «Milliyet» թերթի կայքը ներկայացրել է գիշերվա ընթացքում տեղի ունեցած դեպքերը.
ՔԲԿ-ականները Բինգյոլ-Քըղը ավտոճանապարհին պայթեցրել են զրահամեքենա` նախօրք ականապատելով մեքենայի անցնելու ճանապարհը: Պայթյունի հետևանքով մարդկային կորուստներ չեն գրանցվել. շարքից դուրս է եկել զրահամեքենան: Հաղորդվում է, որ զինյալներին հայտնաբերելու նպատակով անվտանգության ուժերը լայնամասշտաբ գործողություն են սկսել:
Գիշերը ժամը 20:30-ի սահմաններում ՔԲԿ-ականները ականանետից կրակ են բացել Դիարբեքիրի Սիլվան գավառում կառուցվող ջրամբարի շինհրապարակի ուղղությամբ: Դեպքի վայր ժամանած անվտանգության ծառայողների պատասխան կրակի արդյունքում տեղի է ունեցել մոտ 15 րոպե տված փոխհրաձգություն, ինչից հետո զինյալները հեռացել են դեպքի վայրից: Դեպքի արդյունքում մարդկային կորուստներ չկան:
Գիշերը ժամը 22:00-ի սահմաններում քուրդ զինյալները 2 անգամ նռնականետից կրակ են բացել Դիարբեքիրի Քուլփ գավառի ոստիկանական բաժանմունքի շենքի վրա: Ոստիկանների պատասխանից հետո կրկին կարճ բախում է տեղի ունեցել: Զոհերի ու վիրավորների մասին տեղեկություններ դեռևս չեն հաղորդվում:
Նուսայբին-Միդյաթ ավտոճանապարհին էլ քուրդ զինյալները 2 բեռնատար են կանգնեցրել, վարորդներին իջեցրել ու կրակի տվել մեքենաները:
Վերջին դեպքը տեղի է ունեցել քրդաբնակ Հաքքարի նահանգի Չուքուրջա գավառում: Զինյալների խումբը կրակ է բացել գավառի Ժանդարմերիայի շենքի վրա: Պատասխան կրակի արդյունքում տեղի ունեցած կարճ բախումից հետո զինյալները հեռացել են մթության մեջ թաքցրել իրենց հետքերը:
Այս ենթաբաժնի վերջին նորությունները
Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։
Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ներկայացուցիչների միջև հանդիպումը նախատեսվում է այս շաբաթ: Հստակ օր դեռևս հայտնի չէ:
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։
Նշենք, որ վերջին անգամ կողմերը համաձայանգիրը երկարաձգել են 2010-ին՝ 15 տարի ժամկետով։
Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |