Թուրքիայի արևելքում 16 շրջան ռազմական գոտի է հայտարարվել

Տարածաշրջան08:16, 03 Օգոստոս 2015

Թուրքիայի արևելքում 16 շրջան ռազմական գոտի է հայտարարվել

Թուրքիայի Թունջելի (Դերսիմ) նահանգի 14 շրջան ռազմական գոտի է հայտարարվել: Արարատ ու Թոնդրակ սարերը ևս իրենց շրջակայքով հանդերձ նույնպես ռազմական գոտի են հայտարարվել:

Ըստ թուրքական «Haberler.com» լրատվակայքի` այս մասին հայտարարություններ են տարածել Թունջելիի և Աղրըի (Արարատ) նահանգապետարանները:

Թունջելիի նահանգապետարանի հայտարարության մեջ նշվում է, որ նահանգի տարբեր շրջաններում օգոտստոսի 4-19-ը հատուկ անվտանգության գոտի հայտարարելը կապված է «Քուրդիստանի բանվորական կուսակցության» (PKK-ՔԲԿ) գործողությունների հետ, որոնք սկսել են բացասական անդրադարձ ունենալ նաև Թունջելիի սոցիալ-տնտեսական կյանքի վրա: Նշվում է, որ ժամանակավոր հայտարարված հատուկ դրությունը նպատակ ունի ապահովել քաղաքացիների կյանքի ու գույքի անվտանգությունը:

Աղրի նահանգապետարանի հայտարարության մեջ էլ ասվում է. «Աղրը (Արարատ) և Թոնդրակ սարերի վրա անցկացվող գործողությունների ժամանակ քաղաքացիների անվտանգության համար նահանգապետարանն այդ շրջաններում 15 օրով ռազմական գոտի է հայտարարում»:

Աղրը նահանգում ռազմական գոտի հայտարարելու համար պատճառ է դարձել նախօրեին ՔԲԿ-ի զինյալների կողմից նահանգի Բայազետի գավառի ժանդարմերիայի շենքի պայթեցումը: Մոտ 2 տոննա պայթուցիկ նյութով բեռնված տրակտորը պայթեցվել է շենքի դիմաց, ինչի հետևանքով զոհվել է 2 ժանդարմ զինվոր, վիրավորվել 31-ը:

Աղբյուր` Ermenihaber.am

Այս ենթաբաժնի վերջին նորությունները

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

13:25, 21 հուլ

Hurriyet. «Իսրայելի թիրախը Թուրքիան է»

Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։