Թուրքիայի 78.6 մլն բնակչությունից 39.9 միլիոնը իգական սեռի է, 38.6 միլիոնը՝ արական

Հասարակական07:28, 31 Հուլիս 2015

Թուրքիայի 78.6 մլն բնակչությունից 39.9 միլիոնը իգական սեռի է, 38.6 միլիոնը՝ արական

ՄԱԿ-ը հրապարակել է իր աշխարհի բնակչության վերաբերյալ 2015 թվականի զեկույցը: Թուրքական «Radikal» պարբերականը տեղեկացնում, որ վերոհիշյալ զեկույցում տեղ գտած տվյալների համաձայն՝ Թուրքիայի բնակչությունը ներկայումս կազմում է 78.6 մլն, որից 39.9 մլն իգական սեռի է, 38.6 միլիոնը՝ արական:

Այսպիսով, Թուրքիայում իգական սեռի ներկայացուցիչները 1.3 միլիոնով ավելի շատ են, քան արական սեռի ներակայացուցիչները: Ողջ աշխարհում, ըստ նույն աղբյուրի տվյալների, ընդհանուր առմամբ բնակվում է 7.3 մլրդ մարդ, որոնց թվում արական սեռը 65 միլիոնով ավելի է:

ՄԱԿ-ի զեկույցում ներկայացված կանխատեսումների համաձայն՝ Երկիր մոլորակի բնակչությունը 2030թ. կկազմի 8.5 մլրդ, 2050թ.՝ 9.7 մլրդ, իսկ 2100թ.՝ 11.2 մլրդ մարդ:

Թուրքիայի մասով կանխատեսվում է, որ 2030թ. այդ երկրի բնակչությունը կհասնի 87.7 միլիոնի, 2050թ.՝ 95.8 միլիոնի: Բայց ենթադրվում է, որ 2100 թվականին Թուրքիայի բնակչության թվի աճը կնվազի և նույնիսկ հետընթաց տեղի կունենա: Այդ թվականին Թուրքիայի բնակչությունը կկազմի 87.9 մլն մարդ:

Աղբյուր` Ermenihaber.am