Տարածաշրջան09:29, 30 Հուլիս 2015
Իրանցի գեներալ. «Թուրքիան, քրդերին թիրախ դարձնելով, ռազմավարական սխալ է թույլ տալիս»
Իրանի Իսլամական Հանրապետության (ԻԻՀ) զինված ուժերի (ԶՈւ) գլխավոր շտաբի պետ գեներալ Հասան Ֆիրուզաբադին մեկնաբանել է Թուրքիայի օդուժի` Սիրիայում «Իսլամական պետություն» (ԻՊ) ահաբեկչական կազմակերպության ռազմական հենակետերի և Իրաքում «Քուրդիստանի բանվորական կուսակցության» (ՔԲԿ-PKK) ռազմաճամբարների ուղղությամբ ձեռնարկած ռազմական գործողությունններին:
Ըստ թուրքական «milliyet»-ի՝ Ֆիրուզաբադին քուրդ զինյալների դեմ ուղղված Թուրքիայի ռազմագործողությունները որակել է որպես ռազմավարական սխալ: Ընդգծել է, որ ԻՊ-ի ահաբեկիչների դեմ օպերացիայի ժամանակ Անկարան թիրախ է դարձրել նաև քրդերին, մինչդեռ նրանք նույնպես պայքարում են ԻՊ-ի դեմ:
«Այդ սխալը կհեշտացնի անհավատ ահաբեկիչների Թուրքիայի սահմաններին մոտենալը»:
Իրանցի գեներալը, անդրադառնալով որոշ իսլամական երկրներին, որտեղ ԻՊ-ի զինյալները ռազմական պատրաստություն են անցնում, նշել է. «Թուրքիան, Սաուդյան Արաբիան և Քաթարը այս հարցում բացառություն չեն: Վաղ թե ուշ անհավատ ահաբեկչական խմբավորումներին օգնություն տրամադրող երկրների անվտանգությունն էլ սպառնալիքի տակ կլինի:»
Նշենք, որ ավելի վաղ` նախքան Թուրքիայի Սիրիայի տարածքում գործողությունների սկսելը, Իրանի զինված ուժերի կազմի մեջ մտնող Իսլամական հեղափոխության պահապանների կորպուսի հրամանատարներից Ֆեթուլլահ Ջամիրին, մատնանշելով, որ Թուրքիան ահաբեկչական կազմակերպություններին օգնություն է տրամադրում, հայտարարել էր.
«Եթե թշնամին Թուրքիայի և Իրաքի սահմանային տարածքներից ռազմական գործողություններով փորձի խոցել Իրանի անվտանգությունը, ապա դրա դեմ մեր պետությունը համապատասխան միջոցներ կձեռնարկի: Եթե անգամ հանդգնեն մոտենալ մեր սահմաններին, շատ կոշտ ու կործանիչ հակադարձում կտանք»:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |