Իզմիրի զբոսայգում հայտնվել է «Անասուն Աթաթուրք» գրությամբ մուտքի ցուցանակ

Հասարակական12:25, 30 Հուլիս 2015

Իզմիրի զբոսայգում հայտնվել է «Անասուն Աթաթուրք» գրությամբ մուտքի ցուցանակ

Թուրքիայի Իզմիրի նահանգի Մենեմեն շրջանում գտնվող Մուստաֆա Քեմալ Աթաթուրքի անվան զբոսայգում ուշագրավ դեպք է տեղի ունեցել:

Թուրքական իշխանամետ «Yeni Akit» պարբերականի համաձայն՝ հիշյալ զբոսայգու մուտքի ցուցանակի «KEMAL ATAÜRK PARKI» (Քեմալ Աթաթուրքի զբոսայգի) գրությունից որոշ տառեր են հանվել, ինչի արդյունքում ստացվել է Աթաթուրքին վիրավորող արտահայտություն: KE տառերի և PARKIբառի հեռացման արդյունքում ստացվել է Mal ATATÜRK արտահայտությունը, որն ունի «Անասուն Աթաթուրք» իմաստը:

Սա զայրացրել է քեմալիստական հատվածներին: Թուրքիայի Հանրապետության հիմնադիր և առաջին նախագահ Աթաթուրքին վարկաբեկող ցուցանակի լուսանկարն արագորեն տարածվել է սոցիալական ցանցերում, այդ մասին տեղեկացվել է Մենեմենի ՏԻՄ ղեկավար Թահին Շահինին, որը կես ժամվա ընթացքում այգու մուտքի ցուցանակը փոխարինել է նորով:

Թուրքական իշխանամետ լրատվամիջոցը նկատել է տալիս, որ Մենեմենի տեղական ինքնակառավարման մարմինները ընդդիմադիր «Ժողովրդահանրապետական» կուսակցության (ԺՀԿ-CHP) անդամներն են: Կուսակցություն, որի հիմնադիրը հենց ինքը՝ Քեմալ Աթաթուրքն է:

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։