Քաղաքական07:18, 30 Հուլիս 2015
Բունդեսթագի թուրք պատգամավորի կարծիքով Թուրքիան վերածվում է Պակիստանի
Գերմանիայի «Կանաչների» կուսակցության համանախագահ, Գերմանիայի խորհրդարանի (Բունդեսթագ) թուրք Ջեմ Օզդեմիրը «Passauer Neuen Presse» թերթին տված հարցազրույցում խստորեն քննադատել է Թուրքիայի վերջին օրերի գործողությունները` ասելով, որ իրենք չեն կարող աչք փակել Թուրքիայի` Պակիստանի վերածվելու վրա:
Ըստ թուրքական «Hurriyet» թերթի կայքի` Օզդեմիրը մասնավորապես ասել է «Չենք կարող աչք փակել Եվրոպայի սահմանին գտնվող մի երկրի` Էրդողանի կառավարման հետևանքով փոքրիկ Պակիստանի վերածվելու վրա: Տեսնում եմ, որ երկրում ղեկավարի կողմից անտեղի քաոս է ստեղծվում»:
Օզեդեմիրն անդրադարձել է նաև Թուրքիայի զինված ուժերի կողմից «Իսլամական պետություն» (ԻՊ) ահաբեկչական կազմակերպության դիրքերին հասցվող ավիահարվածներին: Պատգամավորը, նշելով, որ դեռ երեկ Էրդողանն աչք էր փակում ԻՊ-ի վրա, ասել է. «Նույնիսկ զեկույցներ կան, որոնցում ցույց է տրվում, որ Էրդողանն աջակցել է ԻՊ-ին: ԻՊ-ի ահաբեկիչների դեմ պայքարի անվան տակ Թուրքիայի իրականացրած գործողությունները սիմվոլիկ են: Դրանով ցանկանում են շեղել Արևմուտքին: ԻՊ-ի գրեթե ոչ մի դիրք չի ռմբակոծվում»:
Նշենք, որ Ջեմ Օզդեմիրը բազմիցս հանդես է եկել Հայոց ցեղասպանության ճանաչման ու դատապարտման օգտին:
Այս ենթաբաժնի վերջին նորությունները
Դաշինքի գլխավոր քարտուղարն այս առիթով Թուրքիային ուղղված շնորհակալական հայտարարություն է հրապարակել:
Օրակարգում են եղել տարածաշրջանային զարգացումներն ու երկկողմ նշանակության հարցերը։
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |