Քուրդ գրոհայիններն արդեն հրթիռային հարձակումներ են գործում թուրք ուժայինների վրա

Տարածաշրջան08:51, 29 Հուլիս 2015

Քուրդ գրոհայիններն արդեն հրթիռային հարձակումներ են գործում թուրք ուժայինների վրա

Թուրքիայի Դիարբեքիր և Հաքքարի նահանգներում «Քուրդիստանի բանվորական կուսակցության» (ՔԲԿ-PKK) զինյալները հարձակումներ են իրականացրել, որի հետևանքով բախումներ են տեղի ունեցել:

Ըստ թուրքական «internethaber» լրատվամիջոցի` Դիարբեքիրի Դիջլե շրջանի ոստիկանության բաժանմունքի շենքի ուղղությամբ ՔԲԿ-ի զինյալները հրթիռներ են արձակել, ինչի հետևանքով մարտեր են ծավալվել ոստիկանության և ՔԲԿ-ի զինյալների միջև: Կողմերի միջև բախումը շարունակվել է փողոցներում:

Իսկ ահա Թուրքիայի հարավ-արևեյան Հաքքարի նահանգի Յուքսեքովա շրջանում ՔԲԿ-ի զինյալները հրթիռներով և երկարափող հրազենային զինատեսակներից արձակած կրակով հարձակվել են տեղի ոստիկանական բաժանմունքի և հարևանությամբ գտնվող դատարանի շենքի վրա: Բացի դրանից ՔԲԿ-ականները հարձակում են իրականացրել նաև ոստիկանական հանրակացարանների վրա:

Թուրքական աղբյուրում չի մանրամասնվում, թե այդ զինված բախումների հետևանքով որքան զոհեր և վիրավորներ կան: Աղբյուրի հավաստմամբ՝ մարտերը շարունակվում են:

Աղբյուր` Ermenihaber.am

Այս ենթաբաժնի վերջին նորությունները

15:16, 21 հուլ

Հրդեհներ Թուրքիայի հյուսիս-արևելքում. տարհանվել է 2 թաղամաս

Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

13:25, 21 հուլ

Hurriyet. «Իսրայելի թիրախը Թուրքիան է»

Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։