Տարածաշրջան13:41, 27 Հուլիս 2015
Բրիտանական պարբերական. «Թուրքիան համագործակցում է «Իսլամական պետության հետ»
Բրիտանական «Observer» պարբերականի թղթակից Մարտին Չուլովի նոր մանրամասներ է հրապարակել այն մասին, որ Թուրքիան նավթի արտահանման գործում աջակցություն է ցուցաբերում «Իսլամական պետություն» (ԻՊ) ահաբեկչական կազմակերպությանը:
Աղբյուրի համաձայն՝ ԱՄՆ-ի հատուկ նշանակության ուժերի ստորաբաժանումները մայիսին Սիրիայում ԻՊ լիդերներից մեկի նկատմամբ հատուկ գործողություն են իրականացրել, որը գաղտնի է պահվել հարևան երկրներից: Խոսքը Էբու Սայյաֆի մասին է՝ հայտնի որպես ԻՊ-ի կողմից իրականացվող նավթի ապօրինի առևտրի պատասխանատու ղեկավար: 2013-ից ի վեր Սայյաֆը գլխավոր դերակատարում է ունեցել Սիրիայի արևելյան շրջաններից արդյունահանված նավթը երկրից ապօրինի ճանապարհով արտահանելու գործում:
Համաձայն բրիտանական պարբերականի՝ Սիրիայից ապօրինի արտահանված նավթի ամենակարևոր գնորդներից մեկը եղել է Թուրքիան: Ահաբեկչական խմբերի և Թուրքիայի միջև առևտրական կապերը, նրանց համագործակցության ակնհայտ ապացույցը լինելով, արժանացել են ԱՄՆ-ի և Եվրոպայի խիստ արձագանքին:
Ենթադրվում է, որ 2013-ի առաջին կիսամյակի ընթացքում ԻՊ-ը նավթի առևտրից օրական 1-4 մլն դոլար եկամուտ է ստացել, ինչի հետևանքով սահմանափակ հնարավորություններով կառույցը վերածվել է հարևան երկրների սահմանների համար սպառնալիք ներկայացնող ուժի, որը կարող է ներգրավել անգամ այլ երկրների զինյալներին:
Նշվում է նաև այն մասին, որ Սիրիայում ծայր առած բռնություններն ու անկայունությունը տարածվել է նաև տարածաշրջանի այլ երկրների վրա՝ զգացվելով Թուրքիայում, Հորդանանում, Իրանում, Իրաքում և Լիբանանում:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |