Թուրքիայում կվերականգնեն Բինգյոլի հայկական եկեղեցին

Տարածաշրջան08:31, 23 Հուլիս 2015

Թուրքիայում կվերականգնեն Բինգյոլի հայկական եկեղեցին

Էրզրումի մշակութային ու բնական հարստությունների պահպանման շրջանային խորհուրդը որոշում է կայացրել վերականգնել Թուրքիայի Բինգյոլի նահանգի Քըղի գավառի Չանաքչը գյուղում գտնվող Սուրբ Գևորգ հայկական կիսավեր եկեղեցին:

Ըստ «Bingolsurmanset.com» կայքի` այս մասին գրավոր հայտարարություն է տարածել Բինգյոլի նահանգապետարանը:

Փլուզման վտանգի առաջ կանգնած 250 տարվա պատմություն ունեցող հայկական եղեղեցին լքված ու անխնամ վիճակի հետևանքով ավերակի է վերածվել: Չանաքչըի գյուղապետ Մեհմեթ Ասալը դեռ 2013 թվականի հունիսին դիմել էր Բինգյոլի նահանգապետարան` նշելով, որ եկեղեցին, չվերականգնվելու դեպքում, կփլուզվի ու վնաս կհասցնի նաև շրջակայքում գտնվող տներին: Նահանգապետարանն էլ իր հերթին եկեղեցին վերականգնելու նպատակով դիմել է Էրզրումի մշակութային ու բնական հարստությունների պահպանման շրջանային խորհրդին:

Խորհուրդը ս/թ հուլիսի 3-ին եկեղեցին վերականգնելու համար անհրաժեշտ նախագծային աշխատանքները սկսելու որոշում է կայացրել:

Խորհուրդը եկեղեցու վերկանգնման մասին որոշումն ուղարկել է Բինգյոլի նահանգապետարան և Չանաքչըի գյուղապետարան:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։