ՔԲԿ-ն բեռնատարներ է այրել ու կրակ բացել թուրք զինվորականների վրա

Տարածաշրջան13:18, 23 Հուլիս 2015

ՔԲԿ-ն բեռնատարներ է այրել ու կրակ բացել թուրք զինվորականների վրա

Քուրդիստանի բանվորական կուսակցության (PKK-ՔԲԿ) զինյալները երեկ` հուլիսի 22-ին կրակ են բացել Դերսիմի (Թունջելի) ժանդարմերիայի բաժանմունքի հրամանատարության վրա: Թուրքիայի պաշտպանության նախարարության պաշտոնական կայքում տեղադրված հայտարարության մեջ նշվում է, որ ժանդարմերիայի ստորաբաժանումների կողմից բացված պատասխան կրակից հետո ՔԲԿ-ականները դադարեցրել են կրակն ու հեռացել:

Վանի Չալդըրան գավառից դեպի Բայազետ տանող ճանապարհին էլ ՔԲԿ-ի զինյալները 3 բեռնատար են կանգնեցրել ու այրել: Զինյալները կրակել են նաև դեպքի վայր ժամանած Վանի ժանդարմերիայի ստորաբաժանումների վրա: Այս անգամ ևս տեղի է ունեցել փոխհրաձգություն, ինչից հետո զինյալները հեռացել են դեպքի վայրից:

ՔԲԿ-ականները մեկ բեռնատար ու մեկ փրկարար մեքենա էլ այրել են Դիարբեքիր-Բինգյոլ ճանապարհին:

Հուլիսի 22-ին կեսգիշերի մոտ Դիարբեքիրի Հանի և Լիջե գավառների ճանապարհներին երկու տարբեր խմբերի կողմից միաժամանակ կանգնեցվել են բազմաթիվ մեքենաներ, որոնց վարորդներին զենքի սպառնալիքի տակ իջեցրել են մեքենայից:

Նշյալ ճանապարհները բացվել են միայն այսօր առավոտյան ժամերին, երբ այնտեղ ժամանել են ոստիկանական ուժեր, ինչից հետո զինյալները փախել են դեպքի վայրից:

Աղբյուր` Ermenihaber.am

Այս ենթաբաժնի վերջին նորությունները

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

13:25, 21 հուլ

Hurriyet. «Իսրայելի թիրախը Թուրքիան է»

Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։